إيناس مكي تعلن حبها لويجز وتكشف رأي شقيقها في هجوم الكبير أوي 7

تحدثت الفنانة إيناس مكي، عن رأيها في الهجوم على شقيقها بسبب مسلسل الكبير أوي 7 ، وأغاني الراب وويجز .

إيناس مكي ونصائحها لشقيقها

وقالت إيناس مكي، في تصريحات تليفزيونية: «كان في تصدير مبالغ فيه ويأكدلك أنه مش جاي طبيعي وحسيت أن دي شريحة متجيش ٣٪ الناس في الشارع حافظة الحلقات بالايفهات ازاي اسمع لدول؟ علشان كده بقولك ده نجاح».

وتابعت مكي: «ساعات بنصحه بس لما بياخد رأيي ويجي يسألني يعني أغلب الأغاني كان بيسمعني ويقولي قوليلي رأيك؟».

واستكملت: «أنا وهو بنضحك على أي هجوم بيحصل عليه وبقول ربنا يهديهم عادي جدا، إذا كنت أنا شايفة إن دي شريحة متكلفة بده فأحمد عنده وعي كامل بكل حاجه بتحصل».

إيناس مكي وويجز

وكشفت إيناس مكي عن رأيها في أغاني الراب ومطربينه، قائلة: «ويجز بحبه جدا ولفت انتباهي، ومستغربتش اللون بتاعه وشدني أنا شخصيا و ماشاء الله الجيل الجديد لقيتهم حافظين كل الجمل ورا بعض».

وعن فكرة مقارنة أغاني شقيقها أحمد مكي وأغاني الراب التي تقدم حديثا، فقالت: أحمد في أغاني الراب أو التمثيل أو الكتابة في حته لوحده، 3/4 مطربي الراب بيشتروا الكلمات لكن احمد مكي بتكون فكرته وهو اللي بيكتب الكلمات وأغنية ولعانه كانت إخراجه ودي هتتحسبله إن سكه الاخراج دي أول حد يعملها في مصر هو أحمد.

إيناس مكي

إيناس مكي

إيناس مكي