إيهاب عبدالواحد يكشف كواليس أغنية الألوان: مكنتش أعرف أنها لعمرو دياب

تحدث الملحن إيهاب عبدالواحد عن كواليس أغنية الألوان للهضبة عمرو دياب، وتعاونه مع الشاعر مصطفى حدوتة.

قال إيهاب عبدالواحد في لقائه مع الإعلامية شيرين سليمان ببرنامج سبوت لايت، على قناة صدى البلد: «مصطفى حدوتة شاعر جميل قوي ومتنوع بحس أنه شبهي وبيعمل كل الأشكال، يعمل لأنغام "موافقة"، و"أنا مين أنا بابا" معايا، وحصلت الكيمياء الواضحة بيننا خاصةً أنه من الجيل الجديد وفرق السن بيننا عامل ميكس لذيذ».

وفيما يخص نجاح أغنية ألوان، علق قائلًا: «أنا بلحن الأغنية قبل ما أعرف مين المطرب، ومكنتش عارف إن أغنية الألوان لعمرو دياب، في البداية بلحن ليا وأتبسط أنا الأول وبعدين أسمع مراتي وبنتي وآخد رأيهم، ثم فريقي في الشركة وبهتم بآرائهم لأنهم كلهم gen z».

وتابع: «بقالي في المجال ده أكتر من 25 سنة ونجحت مع كل الوطن العربي وليّا اسم وقيمة وفنان موجود ولي تاريخي، لكن أما عمرو دياب غنالي وسمعت صوته نجاح لوحده ونجاح شخصي، ولذلك نجاحي مع عمرو دياب السنة دي مختلف ومن هنا تحس أنك دخلت مدرسة تانية».

واختتم إيهاب عبدالواحد: «واتعلمت حاجة جديدة منه أما اشتغلت مع الراجل ده ومدرسة عمرو دياب حاجة كبيرة ثم شوفت النجاح في الشارع».