ابنة أسامة أنور عكاشة بعد عرض فيلم الإسكندراني: الحلم الكبير بيتحقق

أعربت نسرين ابنة الكاتب أسامة أنور عكاشة عن سعادتها بعرض فيلم الإسكندراني، من كتابة والدها الراحل.

وكتبت نسرين أسامة أنور عكاشة عن فيلم الإسكندراني في منشور، عبر حسابها الرسمي بموقع فيس بوك: «ماكانش بس الحلم الكبير اللي ماشفهوش بيتحقق في حياته».

ابنة أسامة أنور عكاشة فيلم الإسكندراني

وتابع: «كان خطوة مهمة في مشروعه الكبير اللي سخر فكره وحياته لاستكماله على مدار عمره.. المصري الإسكندراني الحقيقي هويته وانتماءه، الهوية الإسكندرانية المخلطة من أيام الكوزموبوليتان.. لكن فرضت خلطتها هي في النهاية وللأبد وهتفضل مصرية خالصة وصميمة رغم طلتها ع البحر المتوسط، وهيفضل الطعم ده».

ووجهت الشكر للمخرج خالد يوسف مخرج فيلم الإسكندراني، قائلة: «شكرًا ليك على حاجات كتير أبسطهم الإهداء لروح أبويا.. شكرًا للمبدعين.. أحمد العوضي.. زينة.. الأستاذين صلاح عبدالله وحسين فهمي.. وعشان ماسقطش اسم كلهم أسعدونا».

بوستر فيلم الإسكندراني

عرض فيلم الإسكندراني

وأضافت ابنة أسامة أنور عكاشة أيضًا: «بيومي فؤاد يا بشر على الإسكندراني كما تمنينا.. إيه الجمال ده.. شكر لكل فرد شارك في إخراج مشروع أبويا وحلمه للنور.. وشكر لكل فيدباك جالي.. وأتمنى وأتوقع أشوف المزيد مع نزول الفيلم لدور العرض إن شاء الله».

واختتمت: «بابا حبيبي.. مش عارفة سامع وشايف ولا إيه بس أكيد حاسس بكل حاجة.. ويارب تكون مبسوط.. بإذن الله تكون مبسوط».

ابنة أسامة أنور عكاشة فيلم الإسكندراني