ابنة اسما شريف منير تدعمها بعد حلاقة شعرها: لم تؤذِ أي شخص

حرصت لارا السكري ابنة أسما شريف منير توجيه رسالة لوالدتها، عقب الهجوم الذي واجهها الأيام الماضية بعد حلاقتها لشعرها.

ابنة أسما شريف منير تدعم والدتها

كتبت ابنة أسما شريف منير عبر حسابها بموقع إنستجرام: 'كل شخص هاجم والدتي على مواقع التواصل الاجتماعي يحتاج إلى أن ينضح، هي لم تؤذ أي شخص، وما فعلته ليس خطأ هو شكل جديد، لم يطلب منكم أحد التعليق'.

وأضافت: 'هي امرأة ناضجة تتخذ القرار الذي تريده خاصة فيما يتعلق بجسدها، أنتم اعتدتم أن الإنفلونسر يسمحوا لجمهورهم حق اختيار قرارتهم الشخصية، لكن احترموا أنها نفذت قرارها وتجاوزوا الأمر، أنتم أقل نضجا من فتاة عمرها 10 سنوات'.

 

View this post on Instagram

 

A post shared by Lara El Sokkary (@lara.elsokkary)

أسما شريف منير توجه رسالة لجدها

ووجهت ابنة أسما شريف منير رسالة إلى جدها شريف منير، وقالت: 'والدها شريف منير يوافق على المظهر الجديد ويحبه، وأنا أحب هذا الرجل لأنه أب وجد عظيم وأثق دائمًا في رأيه'.

واختتمت ابنة أسما شريف منير، حديثها وقالت: 'أنا أحب الشكل الجديد وهي شجاعة جدا كونها قامت بهذه الخطوة وكرهك الوحيد لها لأنك لا تملك شجاعتها، إنها تلهمني بشكل يومي وأنا فخورة بها'.

تصريحات أسما شريف منير

وردت أسما شريف منير على الانتقادات التي تعرضت لها مؤخرًا، بعد حلاقة شعرها وإطلالتها في مهرجان القاهرة للدراما 2023 في العلمين.

ظهرت أسما شريف منير في أحدث ظهور لها بمهرجان القاهرة للدراما بدورته الثانية، حليقة الرأس، وأوضحت أن فكرة حلاقة شعرها خطرت لها بسبب شاب يعمل في الكوافير الذي تتعامل معه.

وقالت أسما شريف منير في تصريحات تلفزيونية لها: «الموضوع جاء عن طريق الصدفة، أنا كنت رايحة أطول شعري وأركب إكستنشين، لكن وأنا عند الكوافير لقيت شاب طول عمره مطول شعره وبيهتم بيه جدًا حالق».

وتابعت: «قلت له: إيه ده إنت حلقت شعرك! قالي بجد راحة مش طبيعية، بصيت له شوية، وبعدين رحت للكوافير بتاعي قلت له أنا بفكر أحلق شعري».

أسما شريف منير

أسما شريف منير تحلق شعرها

واستكملت: «قالي بجد؟، قلت له أنا شعري محروق وبايظ، ما تيجي نبتدي الموضوع من الأول، قالي يلا بينا.. وأنا بمشي ورا إحساسي لا رتبت ولا فكرت ولا حسبت، هي حاجة وليدة اللحظة».

وأضافت أسما شريف منير قائلة: «بس حاجة كان نفسي طول عمري أعملها لأني طول الوقت بحاول أوضب شعري، وكمان كان في جزء نفسي جوايا محسسني إني عايزة أفتح صفحة جديدة، عايزة بداية جديدة ده كان كل تفكيري».

وقالت أيضًا: «أنا شخص انفعالي وعلى طبيعتي، وعلى السوشيال ميديا زي طبيعتي، أنا مش بتصنع حاجة وبحاول أبقى نفسي مش بفكر في أي تريند».

أسما شريف منير في مهرجان القاهرة للدراما

وبعد ظهورها في مهرجان القاهرة للدراما، قالت أسما شريف منير: «ميصحش حد يشتمني وأنا معملتش حاجة غلط، وكل اللى حبيته إني أحس بحاجة تفاؤلية وجديدة، وفيها راحة بال، والكوافير قاللي اعمليها بإيديكي علشان تطلعي الطاقة السلبية».

وتابعت حديثها عن والدها الفنان شريف منير، قائلة: «هو بيتحمل حاجات ملهوش علاقة بيها لمجرد إنه بابا، هو ذنبه إيه حتى لو عملت حاجة غلط، ليه بتحملوه أي حاجة خاصة بيا، هو وقف دعمني ووقف في ضهري وأنا مكنتش عارفة رد فعله وهيعمل إيه لإني قررت الموضوع وأنا في الكوافير».

واستكملت قائلة: «وأنا وهو اتكملنا وقال لي طالما مأذتيش حد اعملي اللي عايزاه والمتابعين وصلوا إنهم بيحاولوا يسخنوا أبويا عليا، وتعالى شوف بنتك ويعملوله تاج وساعات بلبس لبس هو كراجل شرقي مبتبقاش عجباه، ويقولي شيلي الصورة فبشيلها ويقولي اللبس ده مش عاجبني ومتلبسيش الحاجة دي تاني وبسمع كلامه وكل ده بيحصل في البيوت».

أسما شريف منير

واختتمت أسما شريف منير قائلة: «مش عارفة ليه عايزين يبوظوا علاقتنا ببعض وهو شخص ليه طاقة والموضوع بيوصل لفكرة التحريض عليا، ولكن في النهاية رسالتي لبابا إني بشكره إنه قدر يتفهم اللي عملته رغم قسوة اللي اتقال، وهناك نساء كثيرات محجبات مروا بنفس التجربة لمعالجة شعرهم وكتبوا لي ولم يشعر بهم أحد».