ابنة شيرين عبد الوهاب ضمن الطلاب المتفوقين في مدرستها.. صورة

حرصت آحدى المدارس الكبرى بالقاهرة، على تهنئة الطالبة مريم وهي ابنة النجمة شيرين عبد الوهاب، وذلك لتفوقها في خلال العام الدراسي المنقضي 2023- 2024.

ابنة شيرين عبد الوهاب من المتفوقين

وكتبت المدرسة عبر حسابها بموقع التواصل الاجتماعي فيسبوك: 'مع إعلان نتائج IGCSE، نود أن نهنئ إحدى طلابنا الأوائل إنجازًا، مريم التي حصلت على بعض النتائج الممتازة بما في ذلك أربع مواد في الصف التاسع وواحدة في الصف الثامن'.

شيرين عبد الوهاب واهمال دعايا روتانا لها

لازالت تصريحات النجمة شيرين عبد الوهاب تضعها في مواقف حرجة بين معارفها وجمهورها، وكانت أخرها تسببت في تنحي المحامي ياسر قنطوش عن قضاياها وكذلك كونه المحامي الخاص بها.

موقع قناة صدى البلد، يرصد فيما يلي تصريحات شيرين عبد الوهاب الأخيرة، وإليكم التفاصيل.

قالت الفنانة شيرين عبد الوهاب في تصريحات تلفزيونية أن أزمتها مع شركة روتانا ليست جديدة، حيث بدأت بوضع شرط نص على عدم عمل دعاية للأغاني التي حصلت عليها الشركة منها: 'طول عمرهم في أذى، والأذى ابتدى من أول شرط إني آخد غنوة منك ومعملش دعاية، يبقى النية هنا إيه'.

شيرين عبد الوهاب

وتابعت شيرين حديثها، وقالت: 'أناشد بلدي، أنا شيرين عبد الوهاب مطربة كبيرة جدًا، عايزة بلدي تحميني من الكلام اللي بيحصل دلوقتي، لأني مغلطتش في حد، وسكوتي بين لهم إني ضعيفة، لكن أنا مش ضعيفة، أنا قرش وعنده سنان حامية جدا تطلع وقت اللزوم، ومش عارفة وقفوا الأغاني إزاي، أصلهم واصلين في الأذى'.

مؤامرة ضد شيرين!

كما استكملت شيرين عبد الوهاب حديثها وقالت عن أزمتها مع روتانا: 'في مؤامرة إني أقعد في البيت، وأنا كنت ساكتة وقاعدة زي خيبتها، لكن صوتي مش هيتقطع أبدا، وهفضل راكبة القطر بتاعي ومفيش حد هيعرف يوقفه'.

شيرين عبد الوهاب

احتكار شيرين عبد الوهاب

وعن فكرة الاحتكار الفني، علقت شيرين: 'أنا ماضية دلوقتي مع شركة ربنا، هو اللي منجحني ومش محتاجة شركات، ومبسوطة كده آخر انبساط، ومش هبقى حكر لحد تاني أنا كبرت عن كده أوي'.

وأضافت: 'من 16 سنة دفعت لأستاذ نصر محروس 3 ونص مليون جنيه مع إني كنت عاملة نص عقدي، وإديتهم الشرط الجزائي وروحت روتانا، دلوقتي الكل يلزم حدوده ومحدش يجيب سيرتي، أنا فنانة كبير أوي'.

شيرين عبد الوهاب والسجن

كما سخرت شيرين من الأزمات المستمرة مع شركة روتانا، وقالت: 'أنا فنانة جمهوري كبير أوي هيقف لهم، وعايزة أقول حاجة أخيرة، أنا سجن الناس وحشني جدا، ومستعدة أتسجن عادي جدا ومش فارقة معايا حاجة، ونفسي أجرب تجربة سجن النسا، وهبقى كوين في السجن، خلاص جتتي نحست'.

شيرين عبدالوهاب

كما رفضت شيرين التصالح مع الشركة، وقالت: 'أسفة أنا ضاع من عمري سنين كتير أوي، والنجاح اللي أنا شايفاه دلوقتي الفضل فيه للجمهور والناس اللي بتحبني والشعراء والملحنين والموزعين، والأغاني الجديدة اللي بفلوس كتيرة دي أنا بهديها للناس ببلاش، وأنا في آخر مؤتمر صحفي قلت روتانا معاها الأغاني ومش عايزة تنزلها، الأغاني خلصت ومش عايزين ينزلوها، عايزين شيرين حصري حفلات'.

شيرين عبد الوهاب

روتانا وشيرين

وبسبب عدم الدعاية اللازمة لأعمال شيرين، قالت: 'أول حاجة أخلوا بها في العقد، ويعتبر العقد فاسخ نفسه هو عدم عمل الدعاية، وحد فيهم يقدم ورقة يقول إنه دفع 5 جنيه في دعاية أو عمل لافتة بحجم المطربة دي، وأنا مسلمة في جائحة كورونا أغنية اسمها مش أد الهوى، وده رزقي ورزق عيالي مش هديه لحد، مش كفاية خدوا مني 8 مليون جنيه يالغلط، دي فلوس عيالي'.