ابن عم عريس أسوان: أشرف كان متضايق وتعبان قبل فرحه وفقدناه فجأة| فيديو

تحدث صابر عطا، ابن عم العريس 'أشرف' المعروف بعريس أسوان، عن اللحظات الأخيرة التي قضاها مع ابن عمه قبل وفاته المفاجئة أثناء دخوله قاعة الفرح.

وقال صابر في مداخلة مؤثرة على برنامج 'تفاصيل' مع الإعلامية نهال طايل المذاع على قناة صدى البلد 2:، 'أشرف كان معايا قبل الفرح بيومين، وكان واضح إنه متعب وكان عنده هموم كتير، سواء في شغله أو وضعه المالي، كان خايف من المسؤولية لأن الجواز بالنسبة له كان خطوة كبيرة، خصوصًا إنه كان متأخر شوية في اتخاذ القرار ده'.

وأضاف صابر: 'أشرف كان في الفترة دي تعبان صحيًا، وكان دايمًا بيشتكي من ضغوط الحياة، أنا حاولت أطمنه وأقول له إن الدنيا هتمشي وإنه هيتحسن، لكنه فاجأنا باللي حصل في الفرح'.

وأوضح صابر إن أشرف كان بيشتغل شغل غير مستقر، وكان بيعاني من مشاكل صحية وعلاج لفترة، لكن ما كانش حد متوقع إن حالته الصحية هتدهور بشكل مفاجئ.

وأكد: 'هو كان عايش على أمل إنه يبدأ حياته الجديدة مع عروسته، لكن للأسف فقدناه في اللحظة اللي كان بيستنى فيها حلمه يتحقق'.