استقبال السيسي بالزغاريد في قداس عيد الميلاد.. والرئيس: «زغروطة جميلة دي»

زار الرئيس عبد الفتاح السيسي، كاتدرائية ميلاد المسيح بالعاصمة الإدارية، لتهنئة الإخوة الأقباط بعيد الميلاد المجيد.

وقال السيسي ممازحا المواطنين والمواطنات اللاتي رحبن به «زغروطة جميلة جدا، مش عايز أخد وقتكم، كل سنة وأنتم طيبين وإن شاء الله سنة جميلة وطيبة علينا كلنا، وخير وسلام وأمان ورحمة ونعمة من الله»، مضيفا «إحنا في مصر بدأنا طريقا مع بعض عاهدنا فيه ربنا وعاهدناكم، وإن شاء الله هنكمله مع بعض كلنا».

الجمهورية الجديدة

وأكمل الرئيس «الطريق ده هو الجمهورية الجديدة التي تتسع للجميع دون فرق أو تمييز، نعيش فيها بسلام وأمان مع بعض، بقول لكل المصريين أوعوا حد يدخل بينا أو يفتنا، ربنا يعيني إن أكون خادم أمين شريف للبلد دي وليكم، البلد بلدنا كلنا وتسعنا كلنا»، مردفا «إحنا موجودين في بيت من بيوت ربنا، ولازم تعرفوا إن اللي حامي البلد دي ربنا دايما ندعوه ونتوسل إليه إنه يحمينا،

وتابع «الجمهورية الجديدة جمهورية الحلم والأمل، جمهورية العلم والأمل، الجمهورية القادرة وليست الغاشمة، المسالمة وليست المستسلمة، هنبنيها مع بعض، أي صعاب تهون لو إحنا على قلب رجل واحد ومع بعض، كل عام ومصر والدنيا كلها بخير، كنت أتمنى أسلم عليكم كلكم

واختتم «ربنا يزيح عنا الجائحة ويحمينا ويحميكم، متعرفوش حجم التقدير والاحترام والمحبة الذي أكنه لقداسة البابا تواضروس، الرجال توزن في المواقف والظروف الصعبة».

السيسي يصل مقر الكاتدرائية بالعاصمة الإدارية لتقديم التهنئة بعيد الميلاد المجيد

الأمل المصري.. ياسر رزق: أقسم بالله البرنامج الانتخابي لـ السيسي هو اللي حصل وبيحصل.. فيديو