اسمه حسين.. دينا الشربيني تكشف هوية حبيبها لأول مرة

كشفت الفنانة دينا الشربيني هوية حبيبها لأول مرة، بجانب أمنتيها في إنجاب الأطفال، قائلة: «زمان كان نفسي يبقى عندي 6 أولاد دلوقتي مش هلحق أخري 2 يبقى كويس».

وتابعت دينا الشربيني عبر تصريحات تلفزيونية: «لأننا 4 إخوات ثلاث بنات وولد لأني بحب العزوة وطول عمرنا كان بيتنا مليان مش بس أنا وإخواتي البيت كان زحمة قرايبنا وجيرانا وأنا بحب كده».

حبيب دينا الشربيني

وقالت عن قصة حبها الجديدة: «بالفعل أنا بعيش قصة حب هو شخص بحبه جدًا وجدع جدًا وبحترمه للغاية وبان أصله وقت أهلي وفقدان أبي وأمي لأني من وقتها لسه مش مستوعبة رحيلهم».

وكشفت دينا الشربيني هوية حبيبها لأول مرة، قائلة: «شخص مصري خارج الوسط وليس إعلامي معروف وأنا معتادة إني ماردش على الشائعات أصل كل الناس هتقول وفيه حاجات بتتكتب ماقلتهاش وحاجة بيقولوا إتعملت معملتهاش».

دينا الشربيني

تصريحات دينا الشربيني

وأضافت: «أول حرف من اسمه حسين ويعمل في مجال بيزنس عائلي خارج الوسط تمامًا وكان بيننا أصدقاء مشتركين وكنا نعرف بعض نتقابل وسط أصحابنا في قعدات عادية حتى الارتباط هو محترم وبيراعي ربنا ومتدين وجدع ولذيذ عاوز يعمل كل حاجه كمشاعر ودعم دون أن يظهر في الصورة دائمًا بيبقى عينه عليا من بعيد».

وفيما يخص عدم ظهوره معها، علقت دينا الشربيني قائلة: «أبعد ما يكون عن الأضواء إحنا شبه بعض في حاجات كتيرة بس مش بيحب الأضواء ودي الحاجة اللي عكس بعض فيها جايز في البداية كان مخضوض ومش فاهم لكن دلوقتي فهم ومش بيتابع الشائعات ودائمًا بدخل أشوفها بعد ما الحكاية تخلص لأني فيه فريق عمل ماسك السوشيال ميديا بتاعي ماعنديش باسورد بتاع فيس بوك ولا تويتر فيه حد ماسكهم وأنا بحب فقط إنستجرام وتيك توك».

وأشارت دينا الشربيني إلى أن والدها كان يحبه جدًا، مضيفة: «بابا عرفه وعرف أهلي وجالنا وهو شخص جاد ونقطة مهمة في حياتي أن بابا شافه ووافق عليه وكنت مبسوطة إنه قابل أبويا علشان يفهم أبويا ده كان راجل عامل إزاي بالنسبة لي».

وأوضحت أن أهم ما يعجبها في الرجل الحنية، وتابعت: «ويكون بيتقي ربنا في أهله وده معناه أنه لو أتقى ربنا في أهله هيتقي ربنا فيا.. الناس الكويسة مع أهلها سواء الرجل أو الست بحطهم على راسي وبضايق أوي لما بلاقي حد مش كويس مع أهله أو مش على طول معاهم ولا بيسأل عليهم لأني بشوف أن الأهل أولوية.

كما كشفت الفنانة دينا الشربيني عن أهم الصفات التي لا يمكن أن تقبلها في أي رجل، قائلة: «البخيل ده بيبقى بخيل في كل حاجة حتى المشاعر البخل مش في الفلوس البخل في المشاعر والكلمة الحلوة والاهتمام والسؤال والمعاملة  وثاني صفة أرفضها الخيانة لأني مش ممكن أتحملها لأن الفكرة مش مفهومة بالنسبة لي ولو حصلت يبقى أمشي مع السلامة مش ممكن أقبلها لأن الخيانة غير مقبولة وبتهز حاجه جوه الست».

واختتمت: «تعرضت زمان للخيانة ومفيش بنت متعرضتش لخيانة اللي حظها حلو بس اللي بتكتشف ده وتعرف فيه كتير بيتخانوا ومايعرفوش لكن اللي بتعرف دي حظها حلو».

دينا الشربيني فيلم يوم 13

دينا الشربيني مسلسل كامل العدد