البلوجر فرح هريدي تهاجم صناع فيلم تامر حسني: طلعوني كومبارس ومخدتش فلوس

هاجمت البلوجر فرح هريدي، الفنان تامر حسني وصناع فيلم تاج، الذي ينافس ضمن أفلام عيد الأضحى 2023.

فرح هريدي وتامر حسني

قالت فرح هريدي في مقطع فيديو عبر حسابها الرسمي بموقع فيس بوك: «اه طلعت كومبارس في فيلم تامر حسني الجديد ومحدش قالي».

وتابعت: «حد كلمنا من فيلم تامر حسني وقالوا إنه عايز يقدم معانا محتوى والمقابل إننا نعمل معاه فيديوهات على حساباتنا بمواقع التواصل الاجتماعي، ومفيش فلوس هو يوم بالحب وتامر نفسه مش هياخد فلوس».

فرح هريدي وتامر حسني

تصريحات البلوجر فرح هريدي

واستكملت البلوجر فرح هريدي: «قالوا هيكون فيه 15 شخص لكن أما وصلنا مفيش الكلام ده ولقيت ناس كتير موديل وانفلونسر وبدأوا يصوروا واتضايقنا وقولنا عادي هنخلص عشان نبدأ فيديوهات خاصة بينا، وقعدنا ساعتين في التصوير ولقينا فجأة تامر حسني قالوا يالا اتصوروا معاه بسرعة عشان نمشي وكل واحد خد صورة واحدة واكتشفت إننا اتصورنا في الفيلم».

يشار إلى أن فيلم تاج يضم في بطولته كلًا من تامر حسني ودينا الشربيني، وعمرو عبد الجليل، وساندي، وآخرين بجانب عدد من ضيوف الشرف.