التصريحات الكاملة لنجوم حفل مهرجان القاهرة للدراما بدورته الثانية

التصريحات الكاملة لنجوم حفل مهرجان القاهرة للدراما بدورته الثانية يرصدها موقع قناة صدى البلد، في هذا الموضوع، وذلك لكل من اهتم بهذا الحدث الكبير الذي زين مدينة العلمين مساء الخميس 24 أغسطس.

التصريحات الكاملة لنجوم حفل مهرجان القاهرة للدراما

فيما يلي نرصد التصريحات الكاملة لنجوم حفل مهرجان القاهرة للدراما، وإليكم التفاصيل.

محمد لطفي

قال محمد لطفي، على هامش مهرجان القاهرة للدراما بدورته الثانية: 'فخور جدًا وسعيد جدًا في مهرجان الدراما، وفي قمة السعادة والفخر، بهذا الجمال وهذا الصرح العظيم، وعندي مفاجأة إننا هنعمل جزء ثالث من مسلسل رمضان كريم، إن شاء الله'.

محمد لطفي

وتابع محمد لطفي حديثه وهو يمزح على إطلالته، وقال: 'ملحقتش أجيب البدلة، ومراتي قالتلي ممكن نلبس كده وباخد رأيها في كل حاجة، وفي حاجات باخد رأيها فيها بالأعمال الفنية، ودايمًا معايا في كل الأحداث، ومراتي كانت بتخاف مني في دوري في فيلم بدل فاقد، في أول حياتي الفنية وكنت ملاكم دولي، لما بعمل شرير في مواقف مش ببقى راضي عنها، وبقيت أشتغل بشكل احترافي'.

مي سليم

بينما قالت مي سليم: 'كان عندي مشكلة إن بنتي عايزة تيجي المهرجان، علشان متعودة تيجي معايا، وهي حاجة ممتعة ومختلفة، والجو حلو بجد، والحفلات الغنائية كلها استمتعنا بها'.

مي سليم

وتابعت مي سليم حديثها عن دورها في مسلسل تلت التلاتة، وقالت: 'لما بعمل دور شر أنا مش شريرة، الشخصية هي الشريرة، وبيتبعت ليا رسائل إن الناس بتكرهني، والحمد لله إني بعرف أوصل الشخصية للجمهور، ببقى حريصة على كل عمل بقدمه، وعايز أقدم الأحسن، والناس تشوفني في حاجه مختلفة، سواء خير أو شر'.

محمد رمضان

وتحدث الفنان محمد رمضان في مهرجان القاهرة للدراما، وقال: 'العلمين سبب وجودي النهارده، وكل الجوائز اللي خدتها اعتذرت عن استلامها، وعايز أجي اتبسط بالعلمين، ومبسوط بالمدينة أكتر من المهرجان، ومش مصدق الكلام ده أتعمل أمتى، وفخور بوجود هذه المدينة على أرض مصرية'.

وحرص رمضان أن يوضح تفاصيل عن مسلسل جعفر العمدة الموسم الثاني، وقال: 'والله أكيد لو مكنش نجح مش هنفكر في جزء ثاني، وكان في دماغنا، واللي شجعنا نجاح المشروع، وإن هو لمس الجمهور بشكل كبير، وحقق نجاح على المستوى العربي، نجاح مبسوط بيه جدًا، والسر في النجاح ما توفيقي إلا بالله، بنجهتد ونخلص في الشغل، ونخاطب عقول الناس، وهما يصدقونا'.

وتابع محمد رمضان: 'أنا قولت أكتر من مرة إني بتابع الجمهور زي ما بيتابعني، وبحاول أشوف اللي عاجبهم وإيه اللي مش عاجبهم، والحفاظ عليهم شيء مش سهل، وكل سنة الجمهور بيختلف وفكره بيختلف، وطول الوقت بنتطور معاه، وأكيد طبعًا من أول يوم وأنا حاسس بالمسئولية، ولمست إن ربنا إداني نجاح يؤثر في الناس، وربنا يقدرني على تحمل هذه المسؤولية'.

منى زكي

أعربت منى زكي عن سعادتها بمشاركتها في مهرجان القاهرة للدراما، وقالت: 'أول مرة أحضر مهرجان القاهرة للدراما، ومحضرتش السنة اللي فاتت، حاجة مشرفة ومنظمة، ومفيش أحلى من الساحل ومدن الساحل زي العلمين الجديدة'.

كما قالت منى زكي عن مسلسل تحت الوصاية على هامش المهرجان: 'طبعًا القضية اللي فكر فيها الكتاب شيرين وخالد دياب، وأنا كنت مترددة لأسباب شخصية، وأستاذ شاكر خضير عرض الموضوع عليا، وبيفكر يعمله إزاي، وتحمست بعدها، وكنت سعيدة علشان هشترك لأول مرة مع شاكر، وأساس العمل المخرج والكتاب ومهندس الديكور'.

منى زكي

أضافت منى زكي: 'الأستاذ شاكر حاطت خطة وعارف نفسه في إيه من الشخصية، وتوصل لإيه، وروحت لمدرب تمثيل علشان العمل'.

إلهام شاهين

إلهام شاهين تحدثت عن تواجدها في المهرجان، وقالت: 'المهرجان تحفة، وبجد مش تحيز مدينة العلمين شيء رائع ونفتخر بها كمصريين، وهي أحدث مدينة في مصر وأجمل مكان على البحر المتوسط بالساحل الشمالي، والناس كلها متجهة لها، والأبراج الموجودة والفنادق والخدمات على أعلى مستوى، وبحيي كل المسئولين والقائمين على مدينة العلمين، لأنها صرح عظيم وكلنا نفتخر به'.

إلهام شاهين

وأضافت إلهام شاهين: 'أنا عديت 50 مسلسل في 40 سنة، وبنحتفل بـ 60 سنة دراما.. ولجنة التحكيم شخصيات عظيمة، والناس كلها قامات كبيرة، وأسامي كبيرة جدًا، واللجنة كانت صعبة جدًا، والأعمال كتيرة أوي لأنها مش أعمال دراما، وعددها كبير جدًا، وفي كذا حد يستحق الجائزة، وفي الأخر بنختار واحد، وفيه جوائز كتير مناصفة انهارده، وكل الناس مركزة على أعمال الدراما، واللي عملوا المهرجان بيخلي الفنانين بيهتموا بجميع الأعمال ومش رمضان بس'.

خالد زكي

قال الفنان خالد زكي على هامش مهرجان الدراما: 'أنا مهما قلت من كلمات مش هقدر أعبر عن سعادتي إني موجود في هذا المهرجان الكبير الراقي وسعيد إني بلتقي بالزملاء، وبشكر المتحدة والسادة القائمين على المهرجان ونقابة المهن التمثيلية، وبشكر يحيى الفخراني على المجهود اللي فوق الخيال عشان ياخد المهرجان في هذه الصورة'.

وتابع: 'بستغل تواجدي هنا وبقدم تحية حب لمصرنا الغالية حكومة وشعب، ويا رب دوام الحب والاستقرار والازدهار، والشكر للقوات المسلحة على هذا الأمن والأمان اللي بنعيشه الذي لا يقدر بثمن، والدراما لما بتكون صادقة بتستقر في وجدان الجمهور، ولغتنا كمان، ولما يكون العمل مكتوب كويس بنقدر نصلح مفاهيم تدعم أشياء أخرى محتاجين إننا ندعمها عشان توصل للجمهور'.

خالد زكي

واختتم حديثه، وقال: 'عندنا نجوم عالميين في كل المجالات، والعائد ونجاح الفنان أو الإعلامي هو حب الجمهور، وإحنا دايما ورا بلدنا وأي شيء تطلبه مصر إحنا وراها'.

المخرج محمد سامي

تحدث المخرج محمد سامي عن مسلسل جعفر العمدة، وقال: 'الحمد لله جعفر العمدة كان ليه توفيق كبير من ربنا سبحانه وتعالى، الحمد لله هو قد ما الواحد بيخلص لشغله، وكل مرة يتطور، وأنا شايف إن النجاح، وفي جزء ثاني من مسلسل جعفر العمدة'.

المخرج محمد سامي

وتابع: 'الموضوع حساس شوية، وبنهتم إن إحنا نعمل مشروع كويس، وإحنا ربنا كرمنا بنجاح جعفر العمدة، ولكن ده يحطنا في موقف أصعب في تقديم جزء ثاني، وقررنا ناخد وقتنا في المشروع، ويمنفعش ننزل بجعفر العمدة، ولو في جزء ثاني مش شرط يكون في رمضان الجاي، بنتأني بس لتقديم شيء جيد، الجمهور بيصنع الأساطير والنجاح'.