التفاصيل الكاملة لأزمة زواج ذوي الهمم.. جوري بكر تهاجم وجيلان علاء ووالدة العروس تردان

أثارت الفنانة جوري بكر ضجة واسعة وجدلًا كبيرًا، بسبب موقفها الرافض لزواج فتاة من ذوي الهمم، ولكن على الجانب الآخر دافعت عنها الفنانة جيلان علاء ابنة خالة العريس.

قالت جوري بكر: «أنا ضد زواج ذوي الهمم، شوفت بوست واحدة من ذوي الهمم بتتجوز، هل ده في شرع ربنا؟ هل دول يجب عليهم الزواج؟ ولا الناس بتاخد الكلام على مزاجها؟».

وتابعت: «عشان لو ده حصل، يبقى حرام وربنا ميرضاش بيه، الأطفال الأبرياء دول مش بيتجوزوا، من إمتى الداون بيتجوز؟!».

وحرصت الفنانة جيلان علاء على الرد على منتقدي زواج ابن خالتها من فتاة من ذوي الهمم، مما أثار ضجة واسعة على مواقع التواصل الاجتماعي.

كتبت جيلان علاء في منشور عبر حسابها الرسمي بموقع فيس بوك: «معلش أحب أرد بس بصفتي بنت خالة أدهم تامر العريس فقرار جواز سما وأدهم دة قرار اتنين بالغين عارفين هما بيعملوا إيه وليهم أحاسيس ومشاعر وبني أدمين وليهم أهل مثقفين ومتعلمين وعارفين ولادهم بيعملوا إيه».

واستكملت: «خالتي والدة أدهم الدكتورة ندى أبو المجد دي من أشطر وأشهر دكاترة الإدمان في مصر ووالدة ووالد سما ناس متعلمين ومثقفين ومحترمين وعارفين هما بيعملوا إيه كويس أوي، فطالما الزيجة دي مش هتضر حد في حاجة يبقى بلاش نعكر فرحتهم ولا فرحة أهلهم».

واختتمت جيلان علاء: «عشان إحنا كلنا كنا فرحانين ومبسوطين من قلبنا عشان دول أنقى وأطهر من خيالكوا.. اتمنوا لهم الخير والفرحة والسعادة وبس».

ومن جانبها، انتقدت والدة العروس تصريحات جوري بكر، وكتبت على حسابها بموقع فيس بوك: «محدش يرد على النكرة اللي محدش يعرفها غير أهلها عشان هو ده هدفها تركب التريند وأهو بالمرة الناس تعرفها يمكن تشتهر والناس تعرفها يا حرام».