الخطيب للاعبي الأهلي: إحنا قصرنا معاكم.. وارفع راسك أنت أهلاوي

تحدث محمود الخطيب رئيس النادي الأهلي، مع لاعبي الفريق، عقب خسارة لقب بطولة الدوري الممتاز، لصالح الغريم التقليدي الزمالك، الذي حصده للمرة الـ13 في تاريخه.

وقال في اجتماع مع اللاعبين عقب مباراة الجونة: «مش عايزين حد يسرق منكم فرحتكم.. والجمهور له حق علينا إننا نفرحه في اللي جاي.. الجمهور هو الشريك والسند وهو صانع بطولات الأهلي من 1907 ومنذ تأسيس النادي وهو يفخر بالانتماء لناديه».

وأضاف «الجمهور عارف إن كل كام سنة ممكن حاجة تقع مننا.. الفترة اللي جاية فيه بطولات كتير جاية ولازم نفرح الناس دي.. غصب عننا النادي الأهلي مابيسيبش حقه».

الخطيب يعد نجوم الأهلى بحفل تكريم

واستكمل حديثه «احنا قصرنا معاكم في الاحتفال بالتاسعة والعاشرة والبرونزية والسوبر ولكن ماكنش فيه وقت في ظل التلاحم.. وعلشان كده حقكم علينا إننا نعملكم احتفالية نكرمكم فيها.. فكروا في اللي جاي لاسعاد جمهوركم وكتابة تاريخ جديد ليكم ولناديكم وانتوا تقدروا تعملوا ده.. ارفع راسك أنت أهلاوى ».

وتوج الزمالك بلقب الدوري للمرة الـ13 في تاريخه، قبل نهاية المسابقة رسميًا بجولة، بعدما وصل رصيده إلى 79 نقطة، بفارق 4 نقاط عن الأهلي صاحب الوصافة بـ75 نقطة.

محمود الخطيب للاعبي الأهلي: «الجمهور عارف إن كل كام سنة بيقع منه حاجة»

أول رد فعل من محمود الخطيب بعد خسارة الأهلي لقب الدوري