الخناقة تعود من جديد بين ياسمين عز ورضوى الشربيني.. اعرف الحكاية

إسماعيل هاني 04 مايو 2023 | 08:32 مساءً

عادت الخناقة من جديد بين الإعلاميتين ياسمين عز ورضوى الشربيني وذلك للمرة الثانية، بعد مرور أسبوعا على الخناقة الكلامية الأولى بينهما خلال الأيام الماضية.

الخناقة الثانية.. كلام رضوى الشربيني

وكتبت الفنانة رضوى الشربيني، عبر حسابها الشخصي على موقع التواصل الإجتماعي فيسبوك وعلقت قائلة:

بحب أوى الست اللي اتربت على الأصول والرقي في التعامل و عندها فن الرد.. ‏الست اللي ليها كيان و كرامة تتحدث بشكل لائق و لا تتصرف او تتكلم كعبدة او مملوكة، الست اللي بتقف جنب اي حد مظلوم…من غير ما يفرق معاها اي حد.

الخناقة الثانية.. كلام ياسمين عز

وردت ياسمين عز، على كلام رضوى الشربيني عبر حسابها الشخصي على موقع التواصل الإجتماعي على فيسبوك، وعلقت قائلة: بحب أوي الدعسوقة التي لا تتصرف كعبدة او مملوكة (علي الاقل كان ليهم سعر)، بل تتصرف (برخص ) كخرابة بيوت او (ببلاش) كخطافة ازواج في السر.

وتابعت ياسمين عز: بحب أوي المسترجلة اللي على راسها بطحة (وعايزة تستخدم كلمة (مظلوم )كصفة، في حين ان استخدامها واعرابها ك (اسم) أحلى وأوقع (تقل الاسم بيخوف) بكرة.. الحصة الجاية،عندنا مجموعة من الاسماء هنعربها كلنا مع بعض، غدا قصائد شتوية وجرائد صيفية، نقطة.

بداية الأزمة بين رضوى الشربيني وياسمين عز

قصة الأزمة بين الإعلاميتين رضوى الشربيني وياسمين عز بدأت بعدما سخرت رضوى من تصريحات سابقة لـ ياسمين، قالت فيها: «البيت بفلوس الراجل وتيجي مراته تقوله اقلع الجزمة علشان السجادة.. ده أنا أحط فساتيني الماركات تحت رجله يمشي عليها.. أنا ست عندها كرامة..كلام العبيد ده مش بتاعي».

رد ياسمين عز على رضوى الشربيني

ردت الإعلامية ياسمين عز، على تصريحات رضوى الشربيني الأولى في رسالة عبر حسابها الشخصي على موقع التواصل الإجتماعي فيسبوك، قائلة : ويحك يا دعسوقة، كرامة ايه يا أم كرامة بلاستيك اطرافها مطاط، تمط وتنكمش حسب المصلحة والظروف المحيطة، مدام بليز كرامتك وقعت منك اخر مرة هناك، ابعتي عبد (مظلوم ) من عندك يجيبها قبل ما تسيح فالشمس، واحكيلنا بالمرة (قواعد بيات المراة الاربعون برة بيت الزوج من غير اذنه).

ياسمين عز تابعت: سلينا كدة في الاجازة لانك شطبتي محتوي وبقيتي مملة،،حتي في تلقيحك مملة، زيرو محتوي زيرو أنوثة، بس الامانة استرجال ليفل الوحش.

ياسمين عز أوضحت: ده أنا مش بس ادوس عالفساتين الماركات دة انا أدوس علي اي حد علشان خاطر الفرعون الصغير الكبير ، بعمل دة فالحياة العادية وبقوله فالعلن، انما بقي لما يكون في خرابة بيوت بتبوس الجذم فالسر وتعمل فيلم (مظلوم ) وتطلع فالعلن تحكيلنا مأساة المرأة الاغريقية ،،كدة انتي محتاجة علاج يا مدام ، روحي اتعالجي يا مدام،، في تشوهات نفسية وشياط وغيرة ويأس بدأ يتجلي ويتفشي ويترعرع في الانحاء.

وأضافت ياسمين: بلاش نشغل اسطوانة المراة الحديدية، علشان المرأة نفسها لوعرفت انتي ايه هيجيلها صدمة دماغية حضارية، بقولك يا خرابة البيوت العمرانة، جربي حطي اسمي تاني في تلميحات او تلقيحات، علشان هنتفرج كلنا وقتها انا هدوس علي ايه تاني غير الماركات، وأهو بالمرة نحكي الحكايات، ونسلي الناس فالاجازات.