الذكرى الأولى لوفاة عايدة عبدالعزيز.. لماذا رفضت زواج ابنتها من أمريكي؟

أنس سمير 03 فبراير 2023 | 06:39 مساءً

تحل اليوم الجمعة 3 فبراير الذكرى الاولى للفنانة القديرة الراحلة عايدة عبدالعزيز، التي رحلت عن عالمنا لمثواها الأخير عام 2022، بعد رحلة عطاء فني طويل من الأعمال الفنية المختلفة.

نيهال تتحدث عن والدتها عايدة عبدالعزيز

وقالت نيهال ابنة عايدة عبد العزيز عن والدتها الراحلة في لقاء تليفزيوني سابق: «ماما ورتني طريقي وخلتني انطلق في الحياة، وهي ست عظيمة وهي دي ست المستقبل، وخدت منها العزيمة وأنا خريجة ليسانس أداب».

عايدة عبدالعزيز تتحدث عن ابنتها

فيما قالت عايدة عبد العزيز: «نيهال بنتي طول عمرها كانت في لندن، وتجوزت في أمريكا ومشوفتهاش بعدها، وهي فتاة ممتازة وبرج الحمل، وقابلت جوزها في أمريكا وكنت رافضة جوازها من زوجها الحالي، وأبوها قالي سيبيها تختار شريك حياتها وهي اللي هتعيش، وزوج بنتي جنسيته ألماني».

وتابعت: «جوزها اشتكالي في مرة وقالي نيهال بترجع متأخرة البيت والبنات محتاجينها، وأنا مش عايزها تشتغل وأنا مش هقدر أمنعها من ده، ولما كلمتها في الموضوع ده قالتلي كفاية 10 سنين قاعدة جنب البنات».

عايدة عبدالعزيز تتحدث عن ابنها

وأضافت: «ابني لما اتجوز وقعد في أمريكا وقولتله يا ابني إنت قعدت في أمريكا وأنا معنديش غيرك، وكل لما يجي من هناك أقعد أعيط له، واعيط لها واقول أنا عايزة ابني، والواحدة لما تكبر محتاج حد معاها وهي عمرها ما اتكلمت معايا في حاجة».