الرئيس السيسى: «فيه وظائف تكنولوجية بتعمل 100 ألف دولار فى السنة»

تحدث الرئيس عبد الفتاح السيسي، عن فرص العمل المتاحة والكبيرة في مجال الاتصالات وتكنولوجيا المعلومات.

وتابع: "ده أكبر قطاع ممكن، وبقول الكلام ده للمصريين والناس اللى بتعلم ولادها من الكلام ده، بلد فيها 106 ملايين، العنصر البشري المطلوب فيها قليل، أرقام غير خالص اللى الدكتور عمرو طلعت وزير الاتصالات فرحان بيها، مصر لو عندها كوارد بشرية متقدمة وهو بيتكلم هنا عن التعهيد، ممكن أوى وما خرجتش عن المحاضرة والكلام بتاعنا".

وأضاف الرئيس السيسي، خلال كلمته في افتتاح مركز البيانات والحوسبة السحابية: "بنبه المصريين لتعليم ولادهم في مراكز للثانوية العامة.. علشان يتعلموا التطور التكنولوجي.. فرص بتوفر 20 و30 و40.. المجال ده عاوز مليون كل سنة.. إحنا في مصر فين؟.. ما جرحتش عن الكلام ده.. إحنا بنعمل حاجات كتير أوي وكتير من الناس البسطاء مايعرفوش.. ولاد في إعدادي وابتدائي دلوقتي.. خليكم في اللى بنتكلم فيه.. على المستوي الثالث "البرمجة الحديثة" يعمل بـ 100 ألف دولار في السنة".

جاء ذلك خلال افتتاح الرئيس عبد الفتاح السيسي، اليوم الأحد، مركز البيانات والحوسبة السحابية الحكومية "P1" .

ويعد مركز البيانات والحوسبة السحابية (P1) أول مركز تحليل ومعالجة البيانات الضخمة والذكاء الاصطناعي في مصر وشمال أفريقيا.. يوفر الوقت والجهد والأموال ويعزز فرص الاستثمار الجديدة​.

ويعمل المركز على تقديم التطبيقات الحرجة والمدفوعات والتطبيقات المرتبطة بالذكاء الاصطناعي وتحليل البيانات الضخمة لصناعة القرار على كافة المستويات بالإضافة إلى عمله كبديل نشط لمركز البيانات الحكومي بالعاصمة الإدارية، كذلك استخدام تكنولوجيا الحوسبة السحابية والذكاء الاصطناعي والبيانات الضخمة في تحليل البيانات الحكومية، كما يعمل كمركز وطني موحد لبيانات التعافي من الكوارث، وتوطين استخدام تكنولوجيا الذكاء الاصطناعي في القطاع الحكومي، وتوفير كافة البيانات الدقيقة للجهات الحكومية.