الرئيس السيسي: أنا أمين معاكم وربنا اللي هيحاسبني

قال الرئيس عبد الفتاح السيسي، إن الدولة تعمل على المساهمة في علاج المواطنين وتدريب الأطباء من خلال قوائم الانتظار، لافتا إلى أن حجم قوائم الانتظار وصل لنحو مليوني حالة في كل التخصصات.

ووجه الرئيس السيسي الشكر –خلال كلمته بالمؤتمر الوطني للشباب- لكل من ساهم في إتمام الأنشطة بالإسكندرية والبحيرة، مؤكدا على أن الدولة تسير على خطى الإصلاح ثم البناء، معلقا: متواجدون لإصلاح ما أمكن فعله، والإسكان من المشكلات المزمنة التي تواجهنا.

وعلق الرئيس السيسي: «لو حبينا نعمل إسكان بديل لـ300 ألف وحدة غير صالحة محتاجين 150 مليار جنيه، والدكتور مدبولي تحدث عن مشروع بشاير الخير ومشارف في الإسكندرية، خلصنا شغل في 500 فدان وبنعمل 1000 آخرين في العامرية، والوزارات محتاجة فلوس لدخول المرافق للمدن دي».

وتابع الرئيس السيسي: «كتير مننا بيقول الأكل غالي بس إحنا بنبني دولة، إنتوا مش واخدين بالكم أن الدولة حاجة تانية خالص، والتخطيط بيقوم به أساتذة وعلماء، لو قدرت الدولة تنفذه بيتم ولو مقدرتش بيبقى كلام على ورق».

وصرح الرئيس عبد الفتاح السيسي: «اللواء هشام آمنة -محافظ البحيرة السابق- قال لي محتاج 800 مليون جنيه علشان أشيل المتعدين على محور المحمودية، وتم تعويض المواطنين رغم أنهم مخالفين، وبقالنا 3 سنين بنعمل في 55 كيلو على المحور، لو بعملهم في أرض صحراوية هيخلص في 6 شهور فقط».

واختتم الرئيس السيسي قائلا: «حجم العمل المطلوب في الدولة كتير أوي، يحتاج عمل ليل ونهار، والدكتور محمد معيط ميقوليش مش معايا فلوس، متسائلا: اللي هيغير حياة بلد ينضام؟، أنا إنسان منكم أمين منكم ومعاكم، واللي هيحاسبني ربنا لأن ربنا شايف ومطلع على كل حاجة».

انطلاق المؤتمر الوطني للشباب بحضور الرئيس السيسي