الرئيس السيسي: إحنا مش بنخاف عشان ربنا معانا.. والمصريون حريصون على البلد

قال الرئيس عبدالفتاح السيسي، إن الدولة المصرية تحتاج إلى توفير 3 ملايين فرصة عمل خلال 3 سنوات، مضيفا أن الدولة لم تغفل أي قطاع إلا وتقوم بعمل جاد فيه.

أضاف الرئيس السيسي، خلال كلمته اليوم، الاثنين، خلال افتتاح محور التعمير بالإسكندرية: بكلم كل بيت مصري قولى وانتبه إزاى نوفر 3 ملايين فرصة عمل خلال الثلاث وأربع سنين اللى جايين؟..ده زيادة موجودة عن الموجودة في السوق، والرقم مش بسيط ..ومفيش دول في العالم كتير تقدر توفر فرص عمل للحجم ده سنويا.

وتابع الرئيس: «كل سنة بيدخل سوق العمل مليون.. طيب لو إحنا النهاردة في 3 سنين عاوز توفر فرص 3 ملايين فرص عمل بحد أدني من المرتبات، لازم نوقف عند الرقم ده كويس أووي، الدولة مش سيابة قطاع إلا وشغالة فيه مش الطرق والكباري بس، إحنا شغالين في كل قطاع ومجال ومش سايبن قطاع، زي الزراعة والصناعة والصحة والتعليم»

وأشار إلى أن الدولة المصرية، عملت على زيادة الرقعة الزراعية، من خلال المشروعات الجديدة، قائلا: «أنا هنا مش بقول إن الإعلام مش بيغطي الكلام ده لكن انت بتردد كلام يترمي ليك، كل البيانات متاحة على موقع مجلس الوزراء والوزرات المختلفة، إحنا مطالبين بتوفير مليون فرصة عمل كل سنة، إزاي وبكام».

وتابع الرئيس السيسي، أن المواطن لابد وأن يشعر بما تقوم به الدولة وأن يكون في الصورة، مشددا على أن الدولة تخطت أزمة كورونا والدولة أثبتت صلابتها وتماسكها، والآن أثبتت تماسكها أيضا في الأزمة الروسية الأوكرانية، قائلا: «لازم نكون من متأكدين من ده كويس علشان ربنا معانا، وإحنا مش بنخاف ولا بنخوف الناس علشان معانا ربنا، ومش مجاملة إحنا معانا ناس في مصر مش مسئولين في الدولة لكن مصريين حريصين على البلد.

الرئيس السيسي يشهد افتتاح محور التعمير بالإسكندرية

الرئيس السيسي: لم نرفع أسعار القمح والذرة رغم زيادة تكلفة الاستيراد.. فيديو