الرئيس السيسي: استطعنا مواجهة الإرهاب بفضل أبناء مصر.. والبلد موقفتش

صدق الرئيس عبد الفتاح السيسى على ترقية المقدم طارق عبد الوهاب، أحد أبطال رجال الشرطة الذى فقد ذراعيه أثناء عملية إرهابية إلى رتبة العقيد.

وجه الرئيس عبدالفتاح السيسي، التحية إلى طارق، قائلا: «كان لازم أشكرك يا طارق كل الشكر والتقدير والاحترام على اللى انت عملته».

أضاف الرئيس السيسي، خلال كلمته اليوم، في احتفالية عيد الشرطة الـ 71، بأكاديمية الشرطة: «لازم نشكر كل واحد زي طارق وكل من عمل زي طارق، عاوز أقولك وأقول للى زيك يا طارق، مواجهة الإرهاب في الـ 10 سنوات اللى فاتوا أفرزت كتير اووي من شهيد ومصاب، عاوز أقول للناس في مصر، مين يعوض طارق عن ده (فاقد ذراعيه).. يا ناس اللى بتسمعونا وتتفرجوا علينا دلوقتي في رجال زي طارق كتير منهم اللى قدم روحه واللي قدم حتة من جسمه علشان خاطر مصر وكل همه إن مصر تبقى في أمان وسلام، وإيه المقابل، علشان الدولة تتقدم وتستمر وده كل اللى طارق عمله والشهداء اللى كانوا معاه ويحموا البلد من أشرار».

وتابع الرئيس السيسي: «مش عايزين ننسى الثمن والحالة اللى قعدنا فيها سنين وكانوا لو قدروا علينا كانوا ذبحونا.. بقول هنا ومرة ومرتني وثلاثة بفضل الله وكرم منه إحنا الموجة دي قدرنا واستطعنا القضاء عليها بنسبة مقربة بنسبة 100% بمين بولاد مصر ومن الأسر البسيطة في كل أنحاء مصر.. مكانش لازم يفوتني ومقولش لطارق متشكرين باسمي وباسم كل المصريين والشكر والعرفان وده مش كفاية والترقية مش كفاية دي الحقيقة لكل راجل زي طارق من الشعب والجيش والشرطة وكمان علشان البلد تتقدم للأمام.. الشعب فاكر التضحية ومنهم كتير ضحوا بالروح والدم.. وكمان البلد موقفتيش وكان في إيد بتقاتل الإرهاب ومكملين في كل القطاعات والبلد موقفتيش، كان في ناس بتكافح علشان تغير حاجات الناس.. علشان كده كان لازم أشكر طارق وأقوله ربنا يديك الصحة والعافية ربنا يحميك ويحمي اللى زيك».

ويشهد الرئيس السيسي، اليوم، احتفالية عيد الشرطة الـ 71، بأكاديمية الشرطة، بحضور الدكتور مصطفى مدبولي، رئيس الوزراء، وعدد من كبار رجال الدولة.

في عيد الشرطة.. الرئيس السيسي يصدق على ترقية المقدم طارق عبد الوهاب لرتبة العقيد

الرئيس السيسي يقبل رأس السيدة ليلى تكلا زوجة أحد شهداء معركة الإسماعيلية