الرئيس السيسي: الحكومة مطحونة.. وإنفاق 7 تريليونات على الصعيد

وجه الرئيس عبدالفتاح السيسي، الشكر لعدد من نماذج جامعة سوهاج، بعد أن قدموا عددا من الأفكار البحثية، قائلا: «الدعم موجود.. الـ 6 نماذج اللي أمامي دول ممكن بالنظريات نحقق 50% ممكن وممكن كمان 100% بس محدش يفهمني غلط لكن الدعم وأرقام متتخيلهاش».

أضاف الرئيس السيسي، خلال تفقده افتتاحه عدد من المشروعات بمحافظة سوهاج، لابد من السعي وراء الحلم وان نصدق الحلم، قائلا: «كل الدعم وأرقام متتخيلهاش للنماذج اللي واقفة أمامي دلوقتي يعني لو محتاج مليون أو 3 بس المشروع ينجح ومش تلوين صورة فقط لازم نحلم ونجري وراء حلمنا».

وتابع الرئيس السيسي: « الأرقام اللي انتوا بتحلموا بيها هتتوفر مش من جيب الحكومة.. ليه مش من جيب الحكومة أنا لى ترتيبات تانية.. متزعلش يا دكتور مصطفى.. الحكومة مطحونة، انتوا سمعتوا كلام رئيس الوزراء عن محافظة واحدة والكلام اتقسم نصين سواء من غير مبادرة حياة كريمة أو من غير حياة كريمة.. أرقام اتصرفت من غير حياة كريمة وصلت لـ 7 تريليونات».

وقال الرئيس السيسي: «يا مصريين الرقم ده متواضع جدا أمام الحلم بتاعنا أنا جاي في الطريق والطائرة بشوف الحاجة بقول لسه بدري أوي أوي.. بتكلم بجد وده مش معناه وقلت الكلام ده في الفطار في قرية أبو دومة.. قالوا إن الصعيد كان مهمش لا.. الدولة بس مكانتش قادرة بس»، متابعا: «بقول كده ليه، علشان لازم نحترم عقول بعض ونبقى موضوعين وصادقين في التقدير والتقييم لواقعنا ونعرف ليه إحنا واقعنا كده لان البد مش قادرة مكانتش قادرة.. اللي بيتعمل قبل كل شي توفيق ربنا وهو محاولة لتطوير الفكر.. مش بتكلم هنا على أهل سوهاج فقط بتكلم على كل المصريين».

وأكد الرئيس السيسي، أنه يتابع السوشيال ميديا وتعليقات المواطنين، قائلا: «الناس بتقول يا كامل يا وزير كفاية أسفلت.. لا ده أول حاجة تتعمل الأسفلت وشبكة الطرق علشان توصلوا وتوصلولنا وبرضه شوفوا أهالينا في كل حتة وشوفوا مصر إزاي والبنية الأساسية أخبارها إيه».

الرئيس السيسي يشهد افتتاح عدة مشروعات تنموية بسوهاج

بث مباشر.. الرئيس السيسي يفتتح عدة مشروعات بمدينة سوهاج الجديدة