الرئيس السيسي: الدول اللي حصل فيها مشاكل واقتتال جه منهم عندنا ملايين

تحدث الرئيس عبد الفتاح السيسي ، عن المشكلات التي يعاني منها سكان دول العالم بسبب الحروب والاقتتال العسكري، خاصة ما يحدث في السودان وروسيا وأوكرانيا ودولا أخرى.

وعلق الرئيس السيسي خلال حواره مع أهالي البحيرة قائلا: «لما كنت بقول خلوا بالكم من بلدكم كانت الناس بتقول هو بيقول الكلام دا ليه؟، لأني شفت وربنا أراد إننا نشوف كلنا المشاكل اللي حصلت في بلاد تانية».

وتابع الرئيس السيسي: «الناس مقدرتش تقعد وسابت بلدها وجت عندنا وفي حتت تانية، اعرفوا أن الدول اللي حصل فيها مشاكل واقتتال جه منهم عندنا ملايين».

وأضاف: «بقالنا 3 سنين في أزمة دلوقتي، بداية من أزمة كورونا، مرورا بالأزمة الروسية الأوكرانية اللي زادت من الأسعار كتير، لكن إحنا في الفترة دي زاد عددنا 6 مليون مواطن، وفي معانا 9 مليون ضيف وخلال آخر 6 أسابيع عبر أكثر من 220 ألف سوداني للحدود، وبقول لأشقائنا في السودان وأي بلد خلوا بالكم من بلدكم، لكن أعرفوا أن الدول اللي حصل فيها مشاكل واقتتال جاء إلينا منهم ملايين، طب إحنا ظروفنا صعبة وكان ممكن نقول لأ، لكن هما بيدخلوا المدارس بتاعتنا ومستشفياتنا».

الرئيس السيسي لنزلاء دار مسنين قرية الأبعادية: متنسوناش من الدعوات الطيبة

الرئيس السيسي لمزارعي البحيرة: «تكلفة مراحل حياة كريمة ستتخطى ألف مليار جنيه»