الرئيس السيسي: اللي كان فاكر أنه يخرب البلد دي ميعرفش أن فيها رجالة

وجه الرئيس عبد الفتاح السيسي رئيس الجمهورية، التحية والتقدير لكل أسر الشهداء، موجهًا الشعب المصري بمناسبة حلول شهر رمضان، بجانب صيام الأخوة المسيحيين خلال الأيام المقبلة.

وأضاف الرئيس السيسي، خلال كلمته في فعاليات الندوة التثقيفية الـ39 للقوات المسلحة، وذلك بالتزامن مع الاحتفال بـ يوم الشهيد، قائلًا: «زي اليوم من كل سنة أحنا بنحتفل، كل سنة بنحتفل بيوم الشهيد، علشان الرجالة اللي حافظت على الوطن».

وأكمل الرئيس السيسي: «حابب أقول حاجة عن الشهيد عبدالمنعم رياض، بعد ما راح مكتبه لاقهم مجهزين المكتب بأفضل صورة، ولكنه طلب منهم أن يشيلوا كل الحاجات دي، وأن يكون المكتب بسيط».

وتابع: «أنا توقفت أمام كلمات الشهيد عبد المنعم رياض، أن الاستقامة في الدنيا والزهد بيكون في البساطة، أكيد النفس والروح دي نالت حاجة كويسة ونالت الشهادة، وكل سنة هنحيي ذكرى استشهاده».

وأكمل الرئيس السيسي: «اللي كان متصور يعمل حاجة يخرب بها البلد زي ما حصل في دول تانية كتير، ولكن فضل رجالنا حافظنا على البلد، أنا قولت الكلام دا كتير، ولازم نكرره، علشان نفضل دايما فاكرين أنه في تمن ادفع علشان البلد دي تستمر وتكمل، اللي تعمل ده في رقبتنا كلنا بداية مني حتى الكل».