أدلى الرئيس عبد الفتاح السيسي بتصريحات حول تكلفة الطاقة والكهرباء، في منتدى مصر 2023 ، قائلا: «لما آجي أعمل محطات كهرباء وبنية تحتية جديدة علينا معرفة تكلفة تحمل عمل بنية تحتية لشبكة الكهرباء الجديدة، والسؤال عن بكام ومنين؟ سواء لمحطات توليد أو محطات جديدة ومتجددة. يهمني المواطن يعرف علشان أوفر طاقة لازم عناصر كتير أحققها.. لو هنتكلم عن محطة توليد دي ليها ثمن ونقلها محتاج شبكة نقل وتوزيع.. ومحتاج محطات تحكم وسيطرة بكام ومنين؟».
وأضاف السيسي: «التكاليف المطلوبة لإنشاء شبكة كهرباء فوق طاقة الدولة.. ولازم أكون مسدد مقابل الخدمات اللي بيقدمها لي الشركاء الأجانب.. طب بكام ومنين؟.. يا مصريين أنا حريص على تشكيل رأي عام واع مش كلام متنظم ومترتب.. أي مزايدة لاستكشاف البترول بتحتاج من 5 لـ7 سنوات.»
وتابع: «حرصت على حضور منتدى الطاقة اللي هي أزمة العالم لأني عارف أن هيتقال فيه كلام كتير. أنا ببيع لك الحاجة أقل من تمنها الحقيقي.. ولو استلفت تكلفتي زادت.. والمواطن ييجي يسأل بتستلفوا ليه.. طب المواطن عايز يشغل تكييفين بدل تكييف واحد ومايدفعش.»
وقال: «الرقم اللي هناخدوه من الأغنياء لا يساوي أي رقم يقدر يسد عن تكلفة الكهرباء للغلابة. المواطن عايز يعيش في مستوى قد تكون قدرات الدولة غير قادرة على توفيره.»
وشدد على قضية الدين الخارجي قائلًا: «الدين الخارجي مش بنفرّقوه على بعض وإلا نبقى مش مؤتمنين على مستقبلكم ومستقبل البلد.. والله العظيم لنقف قدام ربنا يوم القيامة إن كنا ظلمناكم أو لأ.»
