الرئيس السيسي: تقليل الاستيراد وإنهاء الطلب على الدولار هدف استراتيجي للدولة

أكد الرئيس عبد الفتاح السيسي، أن الجهود الحكومية تتركز على خفض فاتورة الاستيراد وزيادة الإنتاج المحلي لتلبية احتياجات السكان المتزايدة، حيث بلغ عدد سكان مصر نحو 120 مليون نسمة.

وأوضح الرئيس السيسي خلال مأدبة الغداء بأكاديمية الشرطة بعد احتفالية كلية الشرطة بعيدها الـ73، أن تعزيز الإنتاج المحلي والزراعة، مثل القمح والذرة والزيوت، يعد من أولويات الدولة لتقليل الاعتماد على الواردات.

وأكمل: «الدولة اللي فيها العدد دا من السكان هتحتاج 10 مليون طن قمح، هتحتاج 12 مليون ذرة، هتحتاج فول صويا وزيت، سواء كانت الحاجات دي بتتعمل جوا مصر أو برا».

وتابع: «عايزين المشكلة بتاعت مصر الاقتصادية تتحل والأسعار الغالية تتحل، لازم كلنا نشتغل على إحنا مواردنا من الدولار تكون أكبر من إنفاقنا».

وأردف الرئيس السيسي: «ليه الناس محستش بالكلام في فترة الأربعينات أو الخمسينات، علشان كان الطلب على الدولار قليل، لأن الريف المصري قادر على تلبية حاجة كل المصريين، كل ما عددنا بيزيد وإنتاجنا بيقل بنجيب الحاجات من برا».

وأشار الرئيس  عبد الفتاح السيسي إلى أننا نسعى لزيادة إنتاجنا وبعتبر أن المعركة مش ضد الدولار، ولكن المعركة ضد نقص الدولار، هي دي الحكاية، الدولة تتطلع على كافة الاقتراحات وبتنفذها لو مناسبة، لأننا هدفنا نقلل فاتورة الاستيراد ثم التفكير في التصدير.

وأكد الرئيس السيسي أن تقليل فاتورة الاستيراد، وإنهاء الطلب على الدولار يعد هدف استراتيجي للدولة.