الرئيس السيسي خلال إفطار الأسرة المصرية: كنت دائما أقول لو إيدى طالت هعمل وبيحصل بفضل ربنا

شدد الرئيس عبدالفتاح السيسي، على أن كل مواطن مصري، لابد أن يسعى لتحقيق حلمه وتصديقه، قائلا: «كنت دائما أقول لو إيدى طالت هعمل، وده كان حلم، وربنا أراد، وإحنا في جزء من الحلم، والحلم لسه مخلصش، وهيخلص بالمصريين».

حفل إفطار الأسرة المصرية بالأسمرات

أضاف الرئيس السيسي، خلال مأدبة إفطار الأسرة المصرية بالأسمرات، قائلا:« طول ما المصريين بخير يبقى أن حققت حلمي، وربنا موجود، وربنا بيحقق الحلم طول ما الإنسان بيجري وراء حلمه، وربنا فوق الكل، وصاحب الملك كله، ولازم كلنا نحلم ونجري على حلمنا، وربنا موجود».

وقال الرئيس السيسي:« والله العظيم ده شرف لينا إن إحنا نجيب الناس تقعد في الأسمرات ونوفر لهم كل حاجة، والعمل والجهد هيبقى الحلم أكبر ونقدر نحققه، محدش مننا لي فضل على المصريين، والفلوس دي بتاعة مصر، والكلام ده لكل الناس اللى بتسمعني، محدش بيدفع حاجة من جيبه، الجميل إن إحنا نحس، لما الكل يحب بعضه ويبقوا مع بعض أكتر، مش عاوز أقول ندفن اللى فات، لازم نكون مع بعض، بتكمل مع المسئولين، بقولهم نعمل برامج مخلصة، نجري ونساعد، علشان أهلنا، وأهلي أيوة أهلي، أنا إنسان بسيط زيكم، وأتشرف إن أنتوا أهلي، والبركة في ربنا، والشكر لله، علشان ساعدنا نعمل ده، الحمد مش كلام، الحمد مسار، طريق نمشى في، ونعظم كل حاجة موجودة معانا، محدش مننا يبقى ضعيف ولا فقير، بقول الكلام ده لكل الناس، طول ما القلوب مع بعض، نعرف إن ربنا هيساعد، أنا معرفش، هو وحده بس يعرف».

وتابع الرئيس السيسي: «ربنا يقدرنا على كل حاجة جميلة، اللى اتعمل مش لوحدي، اتعمل بينا كلنا، وناس كتير، وكل المسئولين، كان لهم دور، حتي اللى مش موجود معانا، عايز أقول على حاجة، ولادنا لازم يشوفوا فينا التعبير الجميل، حتى لما أشوف عمل فى دراما مثلا، المفروض نحسن من كلامنا وأسلوبنا، علشان نعمل ده لازم نراقب نفسنا، الكلام اللى يطلع بيكون حسيب رقيب، النهاردة يوم جميل، وأنا في وسط الناس، في نعمة كبيرة».

الرئيس السيسي: الدولة تعمل على توفير مليون فرصة عمل في العام

الرئيس السيسي: سنعمل على تحسين الخدمات المرافق بالدولة