الرئيس السيسي: رفضت فكرة تحرير سعر الصرف إلا في ظل وجود احتياطي كبير من الدولار

أكد الرئيس عبد الفتاح السيسي رئيس الجمهورية، أن مصر حريصة على إدخال كافة المساعدات الإنسانية من المعبر، والمعبر مفتوح 24 ساعة، قائلًا: «أنا بقولكم المعبر مش بيتقفل، وعملية الإسقاط الجوي للمساعدات على غزة سببها التحديات في شمال قطاع غزة، مش هنقدر خيانة الفلسطينيين وتهجيرهم، وتكلفة إعمار غزة ستصل إلى 90 مليار دولار نتيجة للدمار الواسع للقطاع».

وأضاف الرئيس السيسي، خلال كلمته في فعاليات الندوة التثقيفية الـ39 للقوات المسلحة، وذلك بالتزامن مع الاحتفال بـ يوم الشهيد، قائلًا: «انا بحاول مش أقول كلام أزعل بيه حد أي دولة عيني، بص شمال وجنوب تلاقوا الدنيا مش تمام، تحديات ومشاكل وليها تأثير علينا».

وتابع: «من عشر سنين بفكركم 2013 ليها تكلفة، و2011 ليها تكلفة، التكلفة دي انا لوحدي مش هقدر أشيلها، ولا الحكومة تقدر تشيلها، كلنا مع بعض هنقدر نشيلها».

وأكمل الرئيس السيسي: «أنا مغمرتش بيكم ولا مخدتش قرار أضيعكم، علشان فهم خاطئ أو تقدير منقوص، فخدنا مخدناش قرار دخلنا بيه في حيطة، عاوز أقولكم أحنا مخدناش أموالكم وبعدها ضيعناها أحنا مش فسدة، أو ضيعناها بفساد أو دلع».

وأردف السيسي: «الكلام دا مهم، دا تسجيل، من إنسان أنتوا اخترتوا وقولتوا ليه تعالى تولى المسئولية، وأنا قولت ليكم تعالوا نتولا المسئولية، هاتوا كل كلامي أنا قولت ليكم كلنا مع بعض، مش انا لها أنا لها أثناء الترشح، الكلام مش بيتغير لأن التوصيف مش بتتغير والظروف حلها أحنا بالعمل والصبر الاثنين هنعدي».

واستطرد الرئيس السيسي: «متقالش مثلا 10 أو 12 مليار خرجوا من مصر علشان المسئولين خدوها، لا والله محصلش ولا هيحصل».

وأكمل: «أنا لما جيت مكنتش دي بلد، أنا لما جيت الحكم ملقتش بلد قالولي خد دي، إحنا إمكانياتنا مش كتير قوي، وكان العمران 6 % فقط والباقي صحراء من أسوان لإسكندرية، دلوقتي العمران 10%».

وأشار السيسي إلى أنه: «تحدثت على التعويم من 8 شهور ورفضنا، وأنا قولت هقف قدام التعويم لو كان هيمس الأمن القومي المصري، كان لازم يكون لدينا أموال ضخمة عشان ننظم السوق، دلوقتي عندنا 45 مليار دولار من رأس الحكمة، 9 مليار دولار صندوق النقد، في سيولة عندي».