الرئيس السيسي: صندوق قناة السويس دخل البرلمان كي يكون تحت الرقابة

تحدث الرئيس عبدالفتاح السيسي، على الحديث حول مشروع قانون إنشاء صندوق هيئة قانون السويس: «أنا مخبتش عنكم حاجة.. من كام يوم مش حصلت موجة على صندوق قناة السويس الاستثماري»، قائلا: «أنا صادق إن شاء الله، لما جه الفريق أسامة في 2019، قولته قولي عندك فلوس إيه، قلي معنديش حاجة، ردت قولتله لما تحب تعمل مشروع لتطوير القناة هتعمل إيه، قالي هروح لوزارة المالية وده المتبع ولا بأس».

وأضاف الرئيس السيسي، خلال افتتاح مصنعي إنتاج الغازات الطبية والصناعية ومحطة توليد الطاقة الثلاثية بمجمع الصناعات الكيماوية بأوبورواش: «بلدنا زي ظروفها دي لازم يكون عندها أوعية على جنب، زي ما عملت في وزارة الصحة، والصندوق في كام دلوقتي يا دكتور خالد.. (70 مليار).. أنا عملت كده في الصحة علشان التأمين الصحي».

وتابع الرئيس السيسي: « لو هتكلم عن قناة السويس بالافتتاح الجديد، أو من سنة 75 لحد انهاردة جابت من 200 لـ  220 مليار دولار، لو حد كان شال 10% من الرقم ده وكان حطه في الصندوق، الموضوع دخل ليه البرلمان، علشان يبقى لي حصانة ورقابة ومحدش يقدر يتصرف في ويكون طبقا للمعايير والمواصفات ويتصدق عليه وعليه مراقبة وجهة سيادية مسئولة عنها.. لو كان حد شال 10% بس من دخل القناة السويس كان زمان بنتكلم.. الدكتور مصطفى بيقول 20 % لا 20% بيضعفوا وإحنا بنتكلم في 4 انهاردة 2% هيكون ثمنها 50 مليار دولار لو بنقول الدولار بـ 3 % ».

وواصل الرئيس السيسي: « اتكملت مع الفريق أسامة لو هتعمل تطوير مفيش.. تيجي تدخل مشروع مفيش وتعمل خدمة مجتمعية لـ 3 محافظات السويس وبورسعيد والإسماعيلية مفيش.. قولتله لا الكلام ده مش هينفع.. جه الدكتور مصطفى وزير المالية قالولي ارحمنا مش هنقدر على الصندوق فكرت الدكتور مصطفى أيام ما كان وزير الإسكان والمهندس شريف إسماعيل رئيس الوزراء وفكرة الوعاء وكان وقتها الدكتور مصطفى متحمس.. قولتلهم اسمعوا كلامي وهتشوفوا».

وقال الرئيس السيسي: «قناة السويس فيه 70 مليار.. لو مش هنحرم نفسنا ونعمل مش هتتعمل..والله العظيم أنا صادق معاكم وربنا وحده شاهد عليا وهو اللى هيحاسبني ويارب الحساب يكون طيب ويكون لى أجر طيب ورضا على اللى إحنا بنعمله مش هينفع اللى إحنا بنعمله ده لازم يكون في أوعية».

الرئيس السيسي: لما نقلل الاستيراد من الخارج الضغط هيقل على الدولار

الرئيس السيسي يطالب الحكومة بالإعلان عن حجم البضائع التي سيفرج عنها من الموانئ