الرئيس السيسي: عايز تتجوز حط فلوس فى صندوق الأسرة عشان نحمى ولادنا من الضياع.. والدولة هتشارك معاكم

أكد الرئيس عبد الفتاح السيسي، أن اللجنة التي تعمل على قانون الأحوال الشخصية، تستمع إلى كافة وجهات النظر المطروحة، مضيفا أنه تم الاتفاق على شروط الكشف الطبي.

وقال الرئيس السيسي خلال افتتاح مصنعي الغازات الطبية والصناعية ومحطة توليد الطاقة الثلاثية في أبو رواش «هنعمل لجنة برئاسة قاضي وتروحلها النتائج مميكنة عن طريق وزارة الصحة إلى القاضي ده لتصريح سلامة التحاليل.. االنخبة اللي اشتغلت على قانون الأحوال الشخصية أخدت وجهات النظر التي طرحت، الناس دي شافت مشاكل كتير على منصة القضاء على مدار 30 عاما».

وتابع الرئيس السيسي «الزوجان لما يبقوا زعلانين من بعض بيقاطعوا بعض، الأبناء اللي بيضعيوا، قولنا نعمل صندوق دعم للأسرة المصرية لدعم الأسرة في أوقاتها الحرجة، حضرتك هتتجوز حط في الصندوق مبلغ، مش كتير أوي كل الناس تقدر عليه، وإحنا هنتكفل بالإجراء اللي يقدر يامن ولادنا بكل شئ».

ونصح الرئيس السيسي الشباب المقبل بمنح أنفسهم فرصة قبل مرحلة الإنجاب، معلقا«نديهم فرصة يعيشوا لو لقوا نفسهم قادرين يدخلوا على مرحلة الإنجاب، لا أقصد إن الناس متخلفش لا والله، بقول للشباب أدوا نفسكم فرصة، دي سلامة شاب أمام سلامة شابة، والعقل مبني على المصداقية والشفافية».

وتابع الرئيس السيسي «الزواج مش حاجة بسيط، وده أغلظ ميثاق، وسيتم من خلال عدد من الإجراءات عن طريق قاضي ومعاه مستشار من وزارة الصحة لفحص التحاليل الطبية ومنح الإذن للمأذون لإجراء عقد الزواج، معلقا «هيكونوا شافوا الموقف بالظبط وقبلوا بالنتائج.. المعرفة اتغيرت واتطورت بقى عندي فرصة أشوف أكتر».

 عن إنشاء صندوق جديد ضمن قانون الأحوال الشخصية الجديد، قال الرئيس السيسي: «قولت النهاردة نعمل صندوق.. جاي تتجوز حط مبلغ للصندوق.. ومش كبير أوي.. اللى يقدر على الجواز يقدر يعمل ويشارك في الصندوق.. ولا تعقدوا تتخانقوا على الفرش والتكاليف.. لا ده مبلغ مش كتير.. وأنا كدولة اتفقت مع الدكتور مصطفي مدبولي.. نحط قد ما يجيب الصندوق.. مليار قصاده مليار.. مليارين هنحط مليارين.. تأمين أولادنا في كل شيء.. ده النقاش.. انتوا بتتكلموا عن نسبة طلاق».

وحول صندوق قناة السويس قال الرئيس السيسي «الصناديق دي كلها محدش يقدر يصرف جنيه غير لماي قولي، الفقير ماعندهوش غير إنه يخلي باله من كل مليم».

الرئيس السيسي: حجم واردات مركب الصودا آش 300 مليون دولار

الرئيس السيسي: صندوق لدعم الأسرة في حالات الطلاق.. فيديو