الرئيس السيسي: كان لابد من استثمار رصيدي لدي المواطنين من أجل الإصلاح والبناء.. فيديو

رحّب الرئيس عبد الفتاح السيسي، بالمشاركين في المؤتمر الاقتصادي بالعاصمة الإدارية، لافتًا إلى أن إطلاق الحوار الوطني جاء من أجل أن «يستمع بعضنا لبعض».

وأضاف السيسي، خلال فعاليات انطلاق المؤتمر الاقتصادي (مصر 2022) من العاصمة الإدارية الجديدة، أن «جميع رجال الاقتصاد يستطيعون وضع خرائط اقتصادية هامة جدًا، أي حد عاوز يعمل قرارات كدة؛ الأمر مش شجاعة قرار، لو تكلفة القرار أكبر من العائد بتاعة؛ يقول بلاش نعمل القرار ده دلوقتي؛ علشان كدة ده كان في فكر القائمين على الدولة خلال 50 سنة، ومفيش قرش من موازنة الدولة اتدفع في إنشاء العاصمة الإدارية الجديدة».

رجال الاقتصاد يستطيعون وضع خرائط اقتصادية هامة

وتابع الرئيس السيسي: «عاوز أقلكم اللي بفكر فيه كإنسان وليس رئيس في ظل تجربة حياتي بعمري اللي فات كله، وأي مسار اقتصادي وأي حلول بتطرح بيشوف متخذ القرار البيئة الاقتصادية والسياسية تقدر تساعده إنه يمرر هذا المسار أو لا!».

الكتلة الغالبة في مصر مش الكتلة الغنية

وأكد الرئيس السيسي: «شايفين إن 7 تريليون جنيه مبلغ كبير في بناء الدولة وده رقم متواضع جدًا، الدولة عايشة على مستطيل من أسوان لإسكندرية، واحنا عايشين على 60 أو 70 كيلومتر مربع فقط، وعاوزين نعمل 60 ألف فصل كل سنة، وحجم الأرصدة الصحية الموجود في مصر يُمثل 50% من المطلوب».

اللي متحمل مسؤولية الدولة لازم ينتبه لكل خطوة

وأردف الرئيس عبد الفتاح السيسي: «الكتلة الغالبة في مصر مش الكتلة الغنية؛ وده أمر في مصر من سنين طويلة؛ وده ميتغيرش إلا بعمل وتضحية مستمرة وفهم، وبقول الناس مبقتش مستحملة ومازالت إنها تدوق حالة الفقر اللي عايشة فيها من سنين».

حقيقة مغامرة الرئيس بشعبه

وأوضح السيسي، أن «اللي متحمل مسؤولية الدولة لازم ينتبه لكل خطوة قبل ما يخطوها، ومجابهة هذه التحديات كانت تصطدم بمحاذير الاستقرار الهش، وبفكركم إن في 2015 شيلنا دعم جزئي عن الوقود الناس كلها ساعتها قالت إن الرئيس السيسي بيغامر بشعبيته؛ وكان تقديري في هذا الوقت أن أستثمر هذا الرصيد في أكبر حجم من الإصلاح والبناء، وقد لا يتواجد مسؤول آخر في المكان ده بعد كدة يقدر يكون عنده هذا الحجم من الأرصدة يقدر يعمل بيه كدة».

https://youtu.be/AttCStmRMNo

مدبولي: مشروع حياة كريمة تكلفته تجاوزت 700 مليار جنيه وهدفنا في المؤتمر الاقتصادي عدم التجادل في الماضي