الرئيس السيسي: لدينا 9 ملايين ضيف.. و220 ألف سوداني عبروا الحدود خلال 6 أسابيع

أكد الرئيس عبدالفتاح السيسي، قدرة الدولة المصرية، على مواجهة التحديات.

وقال الرئيس السيسي على هامش تفقده مشروعات حياة كريمة بالبحيرة: «قلت قبل كدا إننا كدولة مع بعض نقدر نعمل ونواجه التحديات، ولسه كنت بقول لإخوانا المزارعين إن مراحل حياة كريمة هتتكلف حوالي أكثر من ألف مليار جنيه، ولما بتشوفوا حد بيدخل على أي موضوع بنقف ونساعد، سواء أزمة أو بنت بتتزوج أو غيره، لكن لو حد لوحده العمل دا مش هيكمل».

وأضاف: «بقالنا 3 سنين في أزمة دلوقتي، بداية من أزمة كورونا، مرورا بالأزمة الروسية الأوكرانية اللي زادت من الأسعار كتير، لكن إحنا في الفترة دي زاد عددنا 6 مليون مواطن، وفي معانا 9 مليون ضيف وخلال آخر 6 أسابيع عبر أكثر من 220 ألف سوداني للحدود، وبقول لأشقائنا في السودان وأي بلد خلوا بالكم من بلدكم، لكن أعرفوا أن الدول اللي حصل فيها مشاكل واقتتال جاء إلينا منهم ملايين، طب إحنا ظروفنا صعبة وكان ممكن نقول لأ، لكن هما بيدخلوا المدارس بتاعتنا ومستشفياتنا».

واستكمل الرئيس السيسي: تأثير الأزمة ليه تأثير على العالم كله وعلى دول كبيرة، ودايما بنقول الحد الأدنى وجود الحاجة، وبقول لإخواننا المزارعين أنتم قلتم اعملوا لنا أسعار استرشادية وعملنا سعر لـ5 سلع، فأنا لما كنت هأخد الأرز بالسعر الاسترشادي كنت هبيعه بسعر مدعم، لكن لما حد في القطاع الخاص يأخذ كيلو أرز بـ17 /18 هيبيعه بسعر أعلى 19/20 جنيها.

الرئيس السيسي لنزلاء دار مسنين قرية الأبعادية: متنسوناش من الدعوات الطيبة

الرئيس السيسي لمزارعي البحيرة: «تكلفة مراحل حياة كريمة ستتخطى ألف مليار جنيه»