الرئيس السيسي: لن يسمح لأي مخلوق يرفع السلاح تاني في أي حتة بمصر

تعهد الرئيس عبدالفتاح السيسي، ببذل الجهد لتنمية سيناء بشكل أكبر  خلال الفترات المقبلة بعد  الانتهاء من مكافحة الإرهاب

وأضاف الرئيس السيسي، خلال كلمته في لقاء مقاتلي الجيشين الثاني والثالث الميدانيين، أن العالم يمر بأزمة اقتصادية كبرى ولها تأثير كبير ومصر جزء من العالم وتأثرت بالأزمة.

وعن سيناء، أكد الرئيس السيسي، أن الدولة تدعم بقوة مكانة شيوخ القبائل في سيناء، مبينا أن الدولة ستعمل على تعزيز ذلك بشكل أكبر.

وأوضح أن مصر عبرت العديد من الأزمات، قائلا: «كنا بنقول إن الأزمة هتبقى تاريخ وبقت تاريخ، زي أزمة مكافحة الإرهاب، إحنا بنشتغل وبنجتهد وربنا مطلع علينا وهيكلل جهودنا بالنجاح، ومفيش مشكلة ملهاش حل».

وتابع الرئيس السيسي:« إحنا مستعدين نضحي من أجل البلد، ورغم كل الظروف الصعبة، وأزمة الحرب الروسية الأوكرانية اللى من السنة اللى فاتت، ومتوقع أن تستمر، وتمتد لأكثر من كده، إحنا مكملين ونستوعب ونمتص الضغط بتاع الأزمة».

وقال الرئيس السيسي، «النهاردة تم تكريم مقاتلي الجيش، وهيكون في تكريم آخر في الاحتفالية التى تم الإعلان عنها في سيناء بمناسبة القضاء على الإرهاب، هيكون تكريم يليق بهم، أنا كنت في قلب الأحداث اللي حصلت في 2011 و2009 و2008، كنت بقول علينا دور مشترك مش أجهزة الدولة فقط، فى دور لشيوخ القبائل وبنعزز دورهم وبنقدر ده».

وأوضح الرئيس السيسي:« مش هنسمح باللى حصل يتكرر تاني، وإن حد يرفع السلاح خارج سلطان الدولة، مش هيحصل تاني، إحنا اللى دفعنا الثمن والمصريين اللى دفعوا الثمن، وشعب مصر بالكامل، لن يسمح لأي مخلوق يرفع السلاح تاني أو في أي حتة في مصر، الثمن اللى ادفع كبير أووى والأرواح اللي سقطت علشان مصر تستعيد مكانتها ومكانة سيناء كان الثمن كبير أووي».

وتابع الرئيس السيسي:« الدولة لها سلطان والدولة امتداد للشعب، والشعب هو اللى بيحكم البلد، ومش هنسمح لحد يرفع السلاح تاني، وأن يكون أي شئ خارج السيطرة وسيتم مجابهته بشدة كبير، أي حد هيرفع السلاح هيتم مواجهته بمنتهى البطش، هنا بتكلم بصراحة علشان الناس تسمع الكلام، الدولة لها سلطان، وممتد على أرضها بالكامل، سلاح الدولة موجه ضد الأشرار وليس الأخيار، إحنا اللى دفعنا الثمن وكان كبير أووي، ولن نسمح لمخلوق يبقى معه سلاح غير الدولة».

الرئيس السيسي يتناول الإفطار مع مقاتلي الجيشين الثاني والثالث الميدانيين

الرئيس السيسي يتفقد قوة اللواء 116 الفرقة 23 الجيش الثالث الميداني