الرئيس السيسي: لو حليت مشكلة الدولار ولا يهمني أي حاجة.. فيديو

تحدث الرئيس عبد الفتاح السيسي، عن تفاصيل وأسباب الأزمة الاقتصادية التي تتعرض لها البلاد.

وعلق الرئيس السيسي خلال لقائه مع الإعلاميين قائلا:«هل كان المصريون مستعدين لتحمل تطوير بعض القطاعات دون الجميع، نتحمل جميعا نتائج التحرك، وبالفعل حدث تطوير في ثوابت الإنسان المصري».

وأكد الرئيس السيسي قائلا: «مصر محتاجة أرقام كبيرة عشان نبنيها، ولازم نشتغل علشان نوصل لأرقام ترضينا وترضي الأجيال اللي بعدنا، وعلى سبيل المثال هناك دولا عانت من مشكلات انقطاع الكهرباء طوال عدة أعوام، وربنا أعاننا على أشياء دول متقدرش تعمل اللي عملناه، ومن 2011 لـ2024 الكثافة السكانية زادت 24 مليون، والزيادة السكانية كان لها تأثير على كل قطاع في الدولة؛ لأنها تعرقل خطوات ومراحل التنمية في البلاد».

واستكمل الرئيس السيسي: «أي حكومة وأي مسئول عينه دائما بتكون على المواطن الغلبان؛ لأن الغلبان دا هيجيب منين ويصرف منين، ويأكل ولاده ويلبسهم ازاي؟.

واختتم الرئيس السيسي: الفكرة مكانتش أزمة أولويات، وكان لازم الدولة تتماسك، ولو حليت أزمة الدولار ولا يهمني أي حاجة، الأزمة هي فرض الحل علينا، وهي أني أحل مشكلة الدولار بشكل نهائي، ومطلوب في مدة معينة إننا نوصل لأرقام محددة.