الرئيس السيسي: ما حدث في 2011 و2013 يعرض أي دولة للانهيار

قال الرئيس عبد الفتاح السيسي، إن مصر قدمت أكثر من 3 آلاف شهيد و13 ألف مصاب، ودور الإعلام هو صنع سياق إعلامي وفكري، وما حدث في 2011 و2013 يعرض أي دولة للانهيار.

الرئيس السيسي

وأضاف الرئيس السيسي، في مداخلة هاتفية مع التلفزيون المصري: «الحكاية اللي بسمعها وأشوفها غريبة قوي، وبكلم الناس علشان أشرح الحكاية؛ هو أنا هتحمل الكلام؟، ولا الظروف؟، ولا الفقر اللي إحنا فيه؟، والا ضعف الآداء؟».

وتابع الرئيس عبد الفتاح السيسي، أنه يستهدف بحديثه «المواطن الغلبان اللي هو 60 أو 70%، والموضوع إني مش قدها وقدود، احنا كلنا محتاجين نكون أمناء ومخلصين لبلدنا والتعليم محتاج 250 مليار؛ أنا بتكلم عن الغلابة، وكتير اتكلموا عن تجارب كوريا الجنوبية وماليزيا اتكلموا عن التجارب فقط إنما ما اتكلموش عن السياق اللي الدول دي كانت ماشية فيه».

أزمة 2011

وأكد الرئيس السيسي: «خلينا نفهم القضية فهم مشترك؛ لأن التشخيص واحد، ولو حصل حاجة في البلد دي الناس هتسيبها وتمشي واللي هيقعد فيها الغلبان، وبناء الدولة دي يحتاج تضحيات من كل شعبها، ومش هقدر أقدملك اللي نفسك فيه في ظل الظروف دي؛ لما الأمور تتحسن».

وأردف الرئيس عبد الفتاح السيسي: «ما حدث في 2011 و2013 يعرض أي دولة للانهيار، والتعليم في مصر يحتاج إلى 60 ألف فصل في السنة والنهاردة عندي 25 مليون واحد في التعليم، احنا مش هنعرف نحل المشاكل اللي عندنا إلا بأفكار، واحنا كمجتمع لابد أن نضع أيدينا في أيدي بعض لحل المشكلات التي ليس لها حل».

العشوائيات

واختتم الرئيس السيسي: «اشتغلت على العشوائيات علشان أهلنا الغلابة، وربنا وحده يعرف أنا بعمل إيه؛ علشان كدة دايمًا شاكر وبطلب منه الدعم والمدد، وأقلة اجبر خاطري واديني علشان أساعد الغلابة».

الرئيس السيسي: نقنع المدرس إزاي يشقي معانا ويطلع أبناء كويسين ومرتبه 3 آلاف جنيه

أكرم القصاص: كلمة الرئيس السيسي في المؤتمر الاقتصادي شاملة وشفافة.. فيديو