الرئيس السيسي يدعم رنا رئيس بعد توترها في احتفالية قادرون باختلاف

شاركت الفنانة رنا رئيس في احتفالية قادرون باختلاف النسخة الخامسة أمام الرئيس السيسي، قائلة: «أنا فخورة وممتنة بوجودي أمام حضرتك يا ريس».

وأعربت رنا رئيس عن سعادتها بوجودها في حدث إنساني مصر تنتظره دائمًا، معلقة: «فيه ناس بييجوا الدنيا قادرون باختلاف وفيه ناس تانية بين يوم وليلة يلاقوا نفسهم قادرون باختلاف زي أخواتنا في غزة».

رنا رئيس في احتفالية قادرون باختلاف

ولم تستطع الفنانة أن تستكمل حديثها بسبب توترها، قائلة: «أنا أسفة يا سيادة الريس.. أنا اتوترت حضرتك لك هيبة أنا متأسفة»، ليرد عليها الرئيس السيسي ويدعمها حتى لا تشعر بتوتر».

ثم استكملت رنا رئيس كلمتها على المسرح، قائلة: «في لحظة بين ليل ونهار يصحوا يلاقوا نفسهم قادرون وباختلاف فجأة يلاقوا حياتهم وأقدارهم بتتغير وهما مش عاملين حساب لده.. مصر قلب الأمة العربية العالم كله بيقول كدة».

وتابعت: «النهاردة بنتشرف بوجود أهلنا من فلسطين اللي اتصابوا في غزة موجودين معانا هنا في القاعة.. وبنقولهم مصر دايمًا فاتحة دراعاتها لكل أهلنا العرب ولكل الناس علشان يحسوا هنا بأمان وبفضل ربنا تم شفائهم هنا في مصر على خير».

رنا رئيس في احتفالية قادرون باختلاف

شيكو في احتفالية قادرون باختلاف

وشارك الفنان شيكو بالحفل أيضًا، وقال في كلمته أمام الرئيس السيسي: «متشرف بوجودي مع حضرتك ومتشرف بوجودي مع أخواتي من قادرون باختلاف جايبلكم أحلى بنتين في مصر».

وظهر يمازح إنجي محمد الطالبة في كلية الألسن جامعة المنيا قسم اللغة الإيطالية، وعندما تحدثت بالإيطالية قال لها: «إنتي مش مصرية زينا ولا إيه!»، لترد عليه إنجي: «لا مصرية إنت مش عارف إيطالي ولا إيه؟»، ورد شيكو عليها: «أنا أعرف عن الإيطالي البيتزا والمكرونة وهما اللي عملوا فيا كدة».

رنا رئيس في احتفالية قادرون باختلاف