الرئيس السيسي يشيد ببرنامج «الدوم»: عرض مواهب الشباب.. فيديو

أكد الرئيس عبد الفتاح السيسي، أهمية تغيير ثقافة التعليم السائدة الآن في المجتمع المصري.

وقال الرئيس السيسي خلال حفل إطلاق منصة مصر الرقمية «ثقافة التعليم اللي ماشيين بيها تحتاج إلى التطوير والتعديل، كل هدفكم إن أبناءكم يكون معاهم شهادات، وبعدين ميكونش فيه فرصة عمل».

منصة مصر الرقمية

وتابع «الآن توجد مسؤولية علينا جميعا كحكومة وإعلام وأسر، عشان نفهم إن فيه فرص حقيقية، مردفا«التخصصات الجديدة متوفرة، وعلينا الاقتناع إن المستقبل وفرص العمل الحقيقة متاحة عبر هذه التخصصات، قد تجدوا أسماء العلوم غريبة، لكن مينفعش تقول هعلم ابني إيه، ده المستقبل الحقيقي».

وأضاف «أرى أننا أحيانا نكون مقصرين في تسويق الكلام المهم للدولة، شوفت برنامج في التلفزيون اسمه الدوم، اللي أدى فرصة إننا نشوف مهارات مهمة لشبابنا، وقدمهم والناس شافتهم بعد إتاحة الوسيلة لهم»، متسائلا «هل من الممكن تقديم برنامج تلفزيوني لعرض تجارب الشباب المميزين في التخصصات الدراسية الجديدة».

وأضاف «الصادرات الرقمية لبعض الدول تصل لـ 130 مليار دولار، دعم الأسر لأبنائها في الثانوية يعكس وعي مصري بالتعليم، لكن نريد الاهتمام والتوعية بأهمية».

برنامج العباقرة

كما أشاد الرئيس السيسي ببرنامج العباقرة قائلا «فيه برنامج اسمه العباقرة، استطاع خلال سنوات قليلة إلقاء الضوء على أمور مهمة، قولت قبل كده لقيت كل القنوات جايبة مطابخ، حد يعملي برنامج بيتكلم عن التخصصات الجديدة، أنتوا بتتكلموا عن الأكل، هو إحنا مستنيين حد يعلمنا ناكل، أنا مش ضد البرامج دي عشان محدش يفهمني غلط، لكن نعرض ده وده».

واستطرد «إحنا معندناش ثروات، بقولكم عشان محدش يتوهم، خلال الترشح تحدثت مع شيخ البحث والتنقيب وقتها، عندنا رمل ورخام وحجر جيري، إذا أمامنا أن نعمل ونطور الأفكار، إحنا عدد سكانا كبير، وطلب تحسين الدخول».

وتابع «كنت بكلم الدكتور علي المصيلحي وزير التموين، وقولتله هاجموك على فكرة الرغيف المعدل، طب أنت قولت للناس إن تكلفة الرغيف الذي يباع بـ 5 قروش تصل إلى 75 قرشا، مش هنقدر تعديل الدخول البسيطة إلا عبر عمل مختلف».

وأكمل «كافحنا أي تجاوز في الجامعات، عبر ميكنة الامتحانات لتحييد العنصر البشري، أنا هقف قدام ربنا وهيكلمني وهقوله أنا عملت كل ده ليه، عشان أعمل إنسان حقيقي في البلد يعرف قدراته الحقيقية».

وواصل «كنت بتكلم مع حد قالي يا فندم وقفوا المشروعات القومية وأكلونا، طب ما إحنا بنأكل، الناس هاجمت وزير التموين وقالوله أنت مين عشان تغير رغيف المصريين، متسائلا «أنت مين ؟ هل ده النقاش اللي بنصدره؟ اللي عايز يتصدى لنقاش لازم يكون بنى سياق فكري كامل عن الدولة المصرية، لأنك بتطرح كلامك على الناس كأنه حقائق

وقال الرئيس السيسي «لم نترك جامعة زويل، و95% من المرحلة الثانية الخاصة بالجامعة انتهت»

وأضاف «طريق بناء الدولة صبر وعمل وتضحيات، اللي بيتعمل في مصر أمر غير مسبوق، ومعمول بالله، ليا الشرف والعزة وكل الرضا على دعم ربنا أن أنا أقدر أعمل الكلام ده، أوعوا تفتكروا إن أنا بزايد على الله، أنا الوحيد اللي شايف اللي بيتعمل وبيتعمل إزاي، البلد دي حماها ربنا وهيحميها ويساعدنا في بناها وتبقى في مستوى تاني، بكرا تشوفوا ده بيتحقق».

كما مازح الرئيس السيسي وزير المالية خلال حديثه عن المشروعات «مش أنت بتاع الفلوس».

الرئيس السيسي يعلن إطلاق منصة مصر الرقمية

الرئيس السيسي يشهد افتتاح مدرسة التكنولوجيا التطبيقية في مدينة نصر والشيخ زايد