الرئيس السيسي يكشف للمرة الأولى عن تهديدات خيرت الشاطر: قالي هنقتل ونولع الدنيا

كشف الرئيس عبد الفتاح السيسي، تفاصيل التهديدات التي وجهها خيرت الشاطر، قيادي جماعة الإخوان الإرهابية إلى القوات المسلحة، قبل ثورة 30 يونيو.

وقال الرئيس السيسي خلال توجيه التحية إلى أبطال مسلسلي الاختيار 3 والعائدون في احتفالية أبناء الشهداء بعيد الفطر المبارك «الموضوع اللي حصل فيه تهديد مباشر للجيش اتعمل 3 مرات، إحداهما مع المشير الراحل حسين طنطاوي، واتقال البلد هتولع لو الانتخابات طلعت بنتيجة غير الرئيس مرسي الله يرحمه».

واستطرد «المرة التانية، لما خيرت الشاطر قال حرقنا مقرات الأمن الوطني ونقدر نحاكمهم محاكمة شعبية، المرة الثالثة كانت ليا شخصيا، قسما بجلال الله كانت 45 دقيقة، قالي هنقتل وهنجيب من كل حتة وهنولع الدنيا، وأشار بإصبعه إشارة إطلاق النار».

الرئيس السيسي

وقال الرئيس السيسي «مش هتمشوا، فرصة إني أقولكم كل سنة وأنتو طيبين ونشكركم، اللي أنتو عملتوه، كان جزء كبير منه لصالح الأبطال والشهداء اللي ضحوا عشان خاطر مصر تعيش، قولنا إن منسيبش التاريخ لحد، والله والله والله كنا حريصين على عدم حدوث تصادم، والله اللي أنتو عملتوه وسجلتوه للناس هو الحقيقة».

وتابع «بقول هنا لكل ولاد مصر وأسر الشهداء والمصابين، أوعوا تفتكتروا أن أبناءكم وأزواجكم سقطوا في معركة طغيان، إحنا لم نعتد، حاولنا وكل كلمة اتقالت كانت عبارة عن واقع اتنقل للناس كلها، عشان الولاد الصغيرة لما تكبر تقول إحنا أبناء الشهداء والأبطال اللي حافظوا على البلد دي، فمحدش  يزيف تاريخهم، ويضيع قيمة اللي هما عملوه».

الرئيس السيسي

ووجه الرئيس السيسي رسالته لأبطال المسلسلين «شوفتوا قد إيه عمل درامي بألف كتاب، وألف ساعة، أنتو متعرفوش أنتو عملتوا إيه، تصدقوا بالله حتى البيان اللي كاتبناه كنا حريصين فيه على عدم حدوث صدام، لا قولنا فيه عزل رئيس ولا جماعة إرهابية ولا أي حاجة، حاولنا كتير نحل المسألة من غير مواجهة أو صراع، لكن للأسف الادعاء والشائعات، ومحدش عايز يفكر اللي اتقال ده كان حقيقة ولا حتى نص حقيقة».

وأضاف «ربنا يكفينا أهل الشر، بقول للمصريين خلوا بالكم من بلدكم، محدش كان هيقبل أن في حاجة زي الاختيار تتعمل وهو موجود.. لكن أنا مش عاوز إن يكون في كدبة واحدة، إن المرء ليصدق ويتحرى الصدق حتى يكتب عند الله صديقا، وإن المرء ليكذب ويتحدى الكذب حتى يكتب عند الله كذابا».

وأردف «فيه مشاهد لأجهزة الأمن عبارة عن حجم قليل لجهد اتعمل في أصعب وقت ومازلنا لغاية دلوقتي، أتحدث عن وقائع خاصة بالدولة».

وتابع الرئيس السيسي « رد الفعل على المسلسل عمل حالة من الاستنفرار الشديد من جانبهم.. ادعاء وتشويه وزيف.. بيعملوا كده.. 7 سنين لم اذكرهم مرة.. كنت اقول أهل الشر.. علشان ادي فرصة لأهل الشر ، بشكركم ولسه الدور ما خلصش، دور الدراما في بناء وعي حقيقي يأتي على أكتفاكم وعقولكم،هذه المسلسلات كانت كاشفة لذوق وعقل المصري، لم يختلف اثنان، اسمحولي اشكركم شكرا جزيلا».

ومن جانبه شكر الفنان كريم عبد العزيز الرئيس السيسي «كلنا بنشكر سيادتك نيابة عن زملائي، بنحمد ربنا إننا قدمنا ولو 1% من اللي قدمه العظماء، كلام سيادتك لينا أعلى وسام أخدناه شكرا يا فندم».

السيدة انتصار السيسي تهنئ شعب مصر والأمة العربية والإسلامية بمناسبة عيد الفطر المبارك

7 سنين لم أذكرهم.. الرئيس السيسي: أديت لأهل الشر فرصة يتراجعوا عن شرهم..

https://www.youtube.com/watch?v=ByB0sgoFDuc