الرئيس السيسي ينفعل على الهواء بسبب سعر الصرف: لو هيأثر على حياة المصريين منقعدش في مكاننا

رد الرئيس عبد الفتاح السيسي، على أزمة الوعاء الدولاري لمصر قائلا: أنا دائما بسأل عن كفاية الوعاء الدولاري للطلب، النهاردة لو بجيب طن اللحوم بألفين دولار، لو الدولار يساوي 6 جنيه غير لما يساوي 20 و30 جنيه.

وتابع الرئيس عبد الفتاح السيسي خلال كلمته بالمؤتمر الوطني للشباب في الإسكندرية: «لو عندي اكتفاء ذاتي مش هيفرق معايا، لكن الدولار اللي بتسعره دا هيترتب عليه تضخم كبير، ولو بنجيب بترول بـ6 جنيه غير ما أجيبه بـ16 جنيها، وسعر الصرف ممكن يدخلنا أزمة فوق خيالنا، لأن الخدمات بتتسعر بالجنيه على قيمة الدولار».

وعلق الرئيس السيسي قائلا: «على سبيل المثال لو بجيب العلف داخل مصر مش هنتأثر بالدولار وعندنا مرونة سعر صرف، لكن لو الموضوع هيمس الأمن القومي والشعب المصري يضيع بسببه لا منقعدش في أماكننا، دا كيلوا اللحمة النهاردة بـ300 جنيه، كل دا بسبب الدولار، إحنا محتاجين حوالي 85-90 مليار دولار لتوفير طلباتنا».

واختتم الرئيس السيسي: «إحنا حلينا الأزمة لحد مابقيناش قادرين نحل، نزلنا نشتري الدولار من الأسواق 3 و4 مليار دولار ونحطهم في البنك المركزي، ونزود حجم الدين علينا، منقدرش نعمل أكثر من كدة، يا جماعة الدولة دي مش بتاعتي دي بتاعتنا كلنا، الدولة لازم تنجح بينا كلنا وأنا مبعرفش مكونش صريح، ومعرفش أقول كلام معنوي لطيف، مش بعرف أضحك على حد، ومش هنقدر نتقدم إلا بتحطيم الفجوة الدولارية.

الرئيس السيسي: بيقولوا بيهد الجوامع والكنائس.. هنرجعها تاني بس صح