الرئيس السيسي يوجه بتقديم أعمال درامية عن أبطال الشرطة في معركة الإسماعيلية

وجه الرئيس عبدالفتاح السيسي، التحية لفريق العرض المسرحي، الذي قدم عرضا عن بطولات رجال الشرطة المصرية ومعركة الإسماعيلية في عام 1951.

وقال الرئيس السيسي: « شكرا يا أستاذ أحمد وشكرا يا كيلاني.. إحنا محتاجين اللي انتوا عملتوا ده، حتى لو مسلسلات من 5 حلقات تجسد كل شخصية من اللي انتوا ذكرتموها دي.. الناس طول عمرها بتقول إن البلد دي ولادة للأبطال والرجال».

وتابع الرئيس السيسي: «أتصور إن إحنا محتاجين نطلع الشخصيات دي مش لازم تاخد فترة طويلة، ممكن فقرة كده من 5 حلقات، لكل شخصية وكمان الدراما تقدم الشخصية دي.. الصورة مش محتاجين نحسنها لكن محتاجين نحافظ على حسنها.. اللى هي صورة المصري اللي بيعمل في القطاع ده».

وقال الرئيس السيسي: «كان في محاولة في السنوات اللى فاتت أخرها من 10 سنوات، كان الهدم في الجناح ده علشان البلد تتاخد.. نكسر الشرطة علشان ناخد البلد.. نكسر الجيش علشان ناخد البلد ونضيعها».

ويشهد الرئيس السيسي، اليوم، احتفالية عيد الشرطة الـ 71، بأكاديمية الشرطة، بحضور الدكتور مصطفى مدبولي، رئيس الوزراء، وعدد من كبار رجال الدولة.

الرئيس السيسي يشهد عرضا مسرحيا عن معركة الإسماعيلية

بدء احتفالية عيد الشرطة الـ 71 بحضور الرئيس السيسي