الرئيس السيسي يوجه بتنظيم مسابقة بين أفضل مستشفى ودار أيتام بمصر

وجه الرئيس عبد الفتاح السيسي، الشكر للجمعيات الأهلية بشأن المبادرات الاجتماعية والدور الذي تقوم به في المجتمع، بالتعاون مع وزارة التضامن الاجتماعي على مدار السنوات الماضية.

وقال الرئيس عبد الفتاح السيسي خلال فعاليات جلسة «العدالة الاجتماعية والصحية» ضمن فعاليات مؤتمر حكاية وطن «أوجه الشكر للدكتورة نيفين القباج، وبقول للي ميعرفش أن الدكتورة نيفين شخصية فاضلة في وزارة التضامن، وبتقوم بدور رحيم وبقلب، وبشكرها وكل اللي في الوزارة».

وتابع: «كل الشكر أيضا للجمعيات الأهلية اللي بتقوم بدور مهم في المجتمع، ودا بنقوله عشان محدش يسيء للجمعيات دي ولازم نصفق لهم، وأقول إن الجمعيات الأهلية أقدر منا في رؤية المجتمع ومراقبته ميدانيا».

وعلق الرئيس السيسي: «أنا شايف إننا محتاجين نتكلم أكتر والإعلام يغطي بشكل أكبر ويكون فيه مساحة خاصة في القضايا الاجتماعية، وميكنة وزارة التضامن من 7 / 8 سنين يقدر يخلينا شايفين كل شيء بمصداقية وشفافية».

واستكمل الرئيس السيسي: «معملناش جوائز للمتطوعين قبل كدا، ودا يستدعي إننا نعمل لهم يوم زي دا، نعمل مسابقة بين أفضل مستشفى أو دار أيتام، ولازم نقول على الأقل شكرا للناس اللي بتقدم من غير ما تاخد».