عمرو يوسف يشكر الرئيس السيسي: لمسنا مجهود حضرتك في دعم ذوي الاحتياجات.. فيديو

شارك الفنان عمرو يوسف، في النسخة الرابعة من احتفالية قادرون باختلاف، بحضور الرئيس عبد الفتاح السيسي.

وظهر الفنان كريم فهمي، في افتتاح الاحتفالية وبجواره الطفل محمد محمود، بطل سباحة من ذوي الاحتياجات الخاصة، الذي عبر عن سعادته بالمشاركة في الاحتفالية.

ووجه الفنان عمرو يوسف الشكر إلى الرئيس السيسي «شوفنا المجهود الكبير اللي حضرتك عملته، حضرتك قدوة لكل الناس، لمسنا مجهود سيادتك في دعم ذوي الاحتياجات الخاصة»، مضيفا «رحمة خالد قالتلي كنا مسافرين نزور أخونا ولغينا التذاكر، عشان نحضر الاحتفالية، يعني الريس يجي عشان يشوفنا وإحنا لا».

رحمة خالد تشكر الرئيس السيسي

وقالت الإعلامية رحمة خالد، أول مذيعة من ذوي الاحتياجات الخاصة «صباح الخير أنا عندي 26 سنة، وإعلامية في التلفزيون، المدرسة كانت رافضة إني أدخل فيها، وقالوا عننا مينفعشي نلعب رياضة، ودلوقتي إحنا مسافرين فرنسا مع منتخب تنس الطاولة، معلقة «مكنتش هبقى رحمة خالد المذيعة إلا لما الرئيس السيسي وجه بقى لينا مكان في الجمهورية الجديدة، شكرا ياريس وشكرا متكفيش، وجودك معانا بيدينا حقوقنا ويأكد مكانا في الجمهورية الجديدة، إحنا بنستنا اليوم ده من السنة للسنة، ودائما هنبقى مبسوطين وحضرتك معانا».

ووجه الرئيس السيسي رسالة إلى رحمة خالد «يا رحمة أنت مذيعة جبارة ما شاء الله عليكي، اللي ملوش حظ هو اللي ميحبكوش».