الرئيس السيسي: بكيت على مصر في 2011.. وربنا حمى البلد

قال الرئيس عبدالفتاح السيسي، إنه لا توجد لديه أي أمنية سوى أن يعم الخير على مصر.

وتابع الرئيس خلال احتفالية قادرون باختلاف: «اللي في مكاني لا يتمنى إلا كل خير لبلده، عشان يقدر يلبي ويحقق كل اللي نفسكم فيه، على المستوى الشخصي مليش حاجة شخصية، كل همي ربنا يعيني ويوفقني واقدر أيسر ليكم».

وحول أصعب موقف مر على الرئيس السيسي، قال: «أصعب وقت عليا كان في عام 2011، والله يعلم ما في نفسي، كنت ببكي على مصر في عام 2011، حسيت إن ممكن الأمور تخرج عن السيطرة والبلد تدخل في دوامة كبيرة جدا من الخراب والدمار، وكنت عارف إن إحنا عددنا مش قليل وظروفنا صعبة كدولة».

وتابع الرئيس: «كنت حاسس بالخطر الشديد، وأقدر أقول بدون مبالغة من ساعتها لغاية دلوقتي وأنا في الفترة دي قبل 2011 كنتوا متدنوش أكتر من 30 سنة، هاتوا الصور وشوفوها، لكن اللي حصل والخوف على البلد والناس، أكتر حاجة صعبة إنك تشعر إن أهلك وناس ممكن يضيعوا وأنت مش عارف تعمل حاجة، ومش أنا بس ناس كتير في مصر وفي الجيش بالذات كان عندهم القلق والخوف إن الأمور تخرج عن السيطرة»، مردفا: «بقولها دلوقتي بعد 11 سنة لازم الناس كلها تعرف إن اللي حمى مصر ربنا سبحانه وتعالى، مفيش حد تاني حمى البلد دي غير ربنا، والبلاد اللي جنبنا انتو شايفنها اللي دخل مرجعشي، فلو كان حصل شكل من أشكال الاقتتال أو الحرب الأهلية كان الوضع اختلف، لكن الجيش والشرطة والدولة دفعوا ثمن كبير أوي».

واختتم «تقديري إن ربنا عمل كده مع مصر تقديرا ليها وحبا لشعب مصر، فالحمد لله سبحانه وتعالى إن ربنا نجاني وعداها بسلام».

الرئيس السيسي لأبطال ذوي الاحتياجات الخاصة: أنتم أصحاب المكان.. فيديو

الرئيس السيسي: مصر بتنجح بفضل الله وهتبقى قد الدنيا.. فيديو