الرئيس السيسي: «مصر دفعت الثمن.. وبفضل الله هنتجاوز الظروف الصعبة وبكرة تشوفوا»

أكد الرئيس عبدالفتاح السيسي، أنه لا يعادي أحدا، قائلا: «عايز أقولكم مش بعادي والناس تستغرب، لأن مش من سنن الوجود إنك متعاديش، أو لا يكون هناك عداوات، لأن الكون مبني على التدافع، لأن العداوة هنا تعني فكرة الاستعداء».

الرئيس السيسي: بعادي الفقر والجهل والتخلف

وأشار الرئيس السيسي خلال فعاليات الندوة التثقيفية الـ36 للقوات المسلحة «أكتوبر.. إرادة وطن» المنعقدة اليوم الثلاثاء وذلك بمناسبة الذكرى الـ49 لانتصارات أكتوبر المجيدة، إلى أن هناك ثلاث نقاط يهدف للقضاء عليها «الفقر والجهل والتخلف».

وأوضح: «الفقر يعني العوز والقلة الحيلة، في ناس كتير في بلدنا تعرف يعني إيه فقر، والأديان كلها اتكلمت عنه، وسيدنا عمر قال لو كان الفقر رجلا لقتلته».

وتابع: «الحاجة التانية الجهل وهو عدم ادراك المخاطر اللي ممكن تأذيك واللي حواليك»، مؤكدا أن مصر دفعت الثمن وخلال الـ9 سنوات «ما زادش فيها إلا عدد السكان».

الرئيس السيسي: إحنا في حرب

وأكمل الرئيس السيسي: «إحنا في حرب وكل جهود الدولة هتتجند لصالح هذه الحرب».

وأردف: «كنت أتمنى من الشئون المعنوية إظهار مواقف لاستشهاد كتير من ضباطنا»، مؤكدا: «اللي إحنا فيه هينتهي ويخلص.. إحنا دفعنا ثمن كبير أوي مش أنا اللي دفعته أو الحكومة لاء كلنا دفعناه».

ولفت إلى أن الرئيس الراحل حسني مبارك نظم أول مؤتمر وكان اقتصاديا سنة 1982 أي بعد 15 عاما من 1967 وتوقف كامل مظاهر الحياة في الدولة.

الرئيس السيسي: الحرب على الإرهاب لسه مخلصتش

واستطرد: كان ممكن نقول أن الحرب على الإرهاب لسه مخلصتش.. بس إحنا قولنا اللي بيعمل الإرهاب هدفه أن البلد ترجع أكتر وتتخلف أكتر.

وتساءل الرئيس السيسي: يا ترى المصريين مستعدين زي ما حصل قبل كده في 1967 ولا هنيجي دلوقتي بشوية إشاعات وأكاذيب؟.. طب هل المواضيع ديه ممكن بتخوفني أو تقلقني لا والله بسبب الإيمان بقوله تعالى «إِنَّ اللَّهَ بَالِغُ أَمْرِهِ».

وشدد الرئيس السيسي: «إحنا بنسعى لبناء وتنمية وتغيير بأمانة وشرف بعيد عن آلاعيب السياسة»، مردفا: «طب الظروف الصعبة ديه هنتجاوزها: بفضل الله بفضل الله بفضل الله وبكرة تشوفوا».

الرئيس السيسي يصدق على ترقية قائدي القوات البحرية والجوية إلى رتبة فريق

الرئيس السيسي يؤدي التحية العسكرية لأبطال نصر أكتوبر