الرئيس السيسي لأسر الشهداء: اللي حققناه ثمنه أرواح أبناء مصر

هنأ الرئيس عبد الفتاح السيسي، أسر خريجي أكاديمية الشرطة قائلا « اسمحوا لي أهنئكم باخرج أبنائكم ألف مبروك».

ووجه الرئيس السيسي خلال حفلة تخرج الطلبة الجدد من أكاديمية الشرطة رسالة إلى أسر الشهداء «عايز أقول لكل الأسر أوعوا تفتكروا إن الدماء التي قدمت والأرواح اللي راحت ثمن بسيط، أولا في رقبتنا إحنا كمصريين، وأيضا عند الله سبحانه وتعالى، أبناؤكم وأزواجكم الذين قدمتوهم، كانوا سبب في اللي إحنا فيه دلوقتي، اللي انتو شايفينه كان ثمنه دماء وأرواح أبناء مصر» ، متابعا  «لكن أن يكون الثمن حماية واستقرار أكثر من 100 مليون، مش بس في أمانهم وسلامهم، ومستقبلهم. البلد لو كانت راحت مكانش هيبقى فيه مستقبل لحد خالص».

الرئيس السيسي في احتافيلة أكاديمة الشرطة

وأضاف الرئيس السيسي «مش هقول متزعلوش ومتتألموش، بس إحنا معاكم، وقبل إحنا ما نكون معاكم ربنا موجود معاكم، وخلي بالكم الشهيد عند ربنا حاجة جميلة أوي والله».

وواصل «الأمور الخاصة بالتهديدات والإرهاب تحسنت بفضل الله وأبناء مصر من الشرطة والجيش وكل قطاعات دولة، الحمد لله إحنا في مكان كويس، ومطلوب مننا نعمل أكتر من كده، ربنا يجازي أسر الشهداء، ونحن لن ننساهم أبدا».

كما وجه الرئيس السيسي رسالة إلى خريجي كلية الشرطة «أهنئكم، بدأت مرحلة جديدة من حياتكم، مصر أمانة في رقبتكم، أمانها وسلامها واستقرارها وتقدمها أمانة في رقبتكم، دوركم مشهود ومنتظر من الناس كلها، أوعى تتصوروا إن فيه قطاع من الدولة مش بنقوم بالعمل على تطويره، بس إحنا بنشتغل من غير ضوضاء، مش بنقول هنعمل هيلكة وإصلاح، بنقوم بالدور ده.. عملية التطوير مستمرة لا تنتهي بمرحلة أو فترة زمنية محددة.. الدنيا بتتغير.. ولازم إحنا كمان نتطور».

واختتم الرئيس السيسي «أمن وأمان مصر أمانة في رقبتنا ورقبتكم، أتمنى لكم كل التوفيق، خلي بالكم من نفسكم، احرصوا على العمل الطيب والأداء المتميز».

عرض مهاري من طالبات أكاديمية الشرطة حول تأمين الشخصيات المهمة أمام الرئيس السيسي

طلاب الشرطة يكتبون حياة كريمة بأجسادهم أمام الرئيس السيسي