الرئيس السيسي: مبعتبرش نفسي رئيس لكن إنسان طُلب منه التدخل لحماية وطن.. فيديو
![صور](https://i0.wp.com/cdn.elbaladtv.net/wp-content/uploads/2022/09/الرئيس-السيسيي.jpg?resize=250,150&ssl=1)
قال الرئيس عبدالفتاح السيسي: «اتصور قبل ما أقول إننا أنهينا الحوار الوطني بشكل متكامل، محتاجين نعمل ده أيضا في ملفات تانية».
وأضاف الرئيس السيسي خلال الجلسة الختامية للمؤتمر الاقتصادي- مصر 2022، اليوم الثلاثاء: «أنا مبعتبرش نفسي رئيس مصر، بعتبر نفسي إنسان طُلب منه التدخل لحماية وطن.. أدبيات الرئيس حاجة والبطل حاجة تانية.. مش عايز يعيش ويقعد عليها هنا».
وأوضح: «ساعة لما حدثت أحداث 2011 و2012 و2013 الدنيا كلها كانت بتقول هو ساكت عليه وسايبنا ليهم ليه وهما هيعملوا فينا إيه.. الجيش يعرف اللي أنا بقوله كويس»، مضيفا: كان مين اللي علم الراجل ده أنه ينتبه ويعرف أن البلد ديه داخلة على حرب أهلية ولا بد أن يكون ليه موقف.. الموقف ده هيكلفه إيه حد أدنى استمراره في الوظيفة وأقصى حياته وهو كان عارف ده كويس».
وواصل الرئيس السيسي: «تم التحرك بالشكل اللي يرضي ربنا وإعطاء الفرصة كاملة للناس اللي كانت موجودة بأمانة».
وأكمل: «الناس بتقول بيتكلم عن ربنا ليه أنا بقول ده حبيبي وغالي عليا.. والله والله والله كرمه على مصر فوق الخيال».
وتابع: ساعة لما حصلت الأحداث عملنا بيان وده تكمله الحوار الوطني يا دكتور ضياء رشوان، مردفا: «كنت حريص عند عمل البيان على التماسك الهش بما فيهم الفصيل اللي كان حاكم».
الرئيس السيسي يهنئ ريشي سوناك على توليه رئاسة الحكومة البريطانية
الرئيس السيسي يدعو أعضاء منتدى الدول المصدرة للغاز الطبيعي للمشاركة في قمة المناخ