الرئيس السيسي يوجه ضياء رشوان بتنظيم مؤتمر للأديان.. فيديو

أنس مصطفى 25 أكتوبر 2022 | 04:17 مساءً

وجه الرئيس عبدالفتاح السيسي، الدكتور ضياء رشوان، المنسق العام للحوار الوطني، بتنظيم مؤتمر للأديان يحضره «اللي بيتهمنا بإننا مش مسلمين ومش متدينين أو اللي بيقول ربنا يسامحهم، هاتوا ده وهاتوا ده، لازم نعمل الحوار ده يا دكتور ضياء».

وقال الرئيس السيسي خلال خلال الجلسة الختامية للمؤتمر الاقتصادي- مصر 2022، اليوم الثلاثاء، لـ ضياء رشوان: «عايزين مؤتمر مش للإسلام بس لكن للمسيحية كمان، مش إحنا هنا مواطنين كلنا.. كل واحد بعقيدته.. حتى اللي بيقول مفيش.. قول.. هو أنا خايف تقول كده حد يجي معاك؟ .. (العزيز) تجيلوا زاحف مش أذوقك عليه.. عرفتوا ليه بنختلف مع التيار.. ربنا أعز وأكرم من كده.. وأنت تجري عليه تجري على الخير كله».

وأضاف: «علشان كده لازم يتم النقاش حتى للي قال مفيش.. لا بد من الفهم والنقاش الديني المتعمق»، مردفا: «الحوار المفروض نكمل عليه اللي إحنا بنعمله، يحضره مهتمين في الإسلام والمسيحية ويرد عليهم متخصصين في كل شيء سواء مؤسسات دينية مفكرين متخصصين.. يبقى فيه قضايا بعينها لهذا النقاش.. لو عايز الحوار يعيد تشكيل وصياغة رأينا العام في مصر».

كما طالب الرئيس السيسي، ضياء رشوان: «حطلنا كل الملفات ويتم الحديث ومناقشتها حتى لو استمر الحوار شهر»، مردفًا: «عايز مؤتمر سنوي نتقابل فيه والمرة الجاية عايز شباب هنا يتهمونا ويزعقولنا أحسن مايزعقوا في الشارع».