السيسي: الدولة كانت ستهدم حينما تحولت إلى خصم في 2011.. فيديو

أكد الرئيس عبد الفتاح السيسي، حرصه على إيصال حديثه إلى كافة الشرائح وليس المثقفين فقط.

وتابع خلال كلمته بفعالية المشروع القومي لتنمية الأسرة المصرية «المشروع القومي لتنمية الأسرة «كلامي ليس مع الفئة المثقفة فقط، إحنا محتاجين رسالتا تصل لكل الناس، أنا عشت عمري كله في مصر، وشوفت وكنت بقول ليه إحنا كده، ليه المستشفى بتاعتنا بالمستوى ده، هل الهدف فقط تحقيق حالة من الرضا لدى الأسرة»، مضيفا «حينما عرض عليا أرقام قوائم الانتظار كان العدد في بداية 100 ألف، لكن تم علاج 1.62 مليون حالة».

وأضاف «خلال زيارتي بلجيكا تحدثت عن ملف حقوق الإنسان، معندناش حاجة مخبينها، عندنا قضية غير معلومة وهي التحديات التي ذكرت اليوم، قلت لأحد المسؤولين ليه ما سألتنيش الناتج المحلي بتاعك كام، سألته الناتج المحلي بتاعك أنت كام وعدد سكانك كام»، مردفا «قولتله عشان أنا مش معايا الفلوس دي الناس في مصر مظلومة ومش بتتعلم كويس، مش مانعه إنه يتكلم لكن يعرف القضية كويس قبل ما يسمع الناس وينكد عليها في بيوتها، أنا عايز أعمل مدرسة تقدم تعليم كويس، مش الناس تتخانق عشان تغشش ولادها، وفي الآخر تقولي ابني معاه شهادة شغلهولي بقى».

السيسي يكشف آثار 2011

وأكمل الرئيس السيسي  «الناس خرجت في 2011 لأن حالة الرضا المجتمعي لم تكن موجودة، الناش مكانتش راضية، مفيش حاجة مكفية، عملنا الدولة خصم، الناس كانت تعبانة وعايزة تغير صحيح لكن تغير إزاي، نحن نعمل على الحفاظ على الدولة وعدم انزلاقها إلى الخراب والدمار الذي كان سيحدث».

وأردف «قدرة الدولة ليست متماشية مع قدرة نموها، وبالتالي يوجد عجز في القدرة، 700 ألف طالب يتخرجون من الجامعة»، متسائلا «حينما أجرى اختبارات على 300 ألف من خريجي الاتصالات وهندسة المعلومات، ونجد المعايير مطبقة على 50%، أليس هذا ظلم لتعليمنا، يا مصريين اصحوا إذا كنتم خايفين على بلدكم انتبهوا، القضية دي كبيرة».

وتساءل الرئيس السيسي «حد قال لابنته تأخذ فرصة قبل الزواج عامين أو 3 لتعتاد على الحياة والمسئولية، لابد من إجراء كشف طبي للتأكد من الصحة الإنجابية، بالعلم اللي هو خزائن ربنا فاتحها بينا».

وأضاف «بدل ما تجيب فيلم الإرهاب والكباب وتجيب المواطن خلي البلد خصم، المفروض تخلي السلبية هي الخصم، وتخلي المواطن اللي مش بيشتغل خصم، لما حولت البلد لخصم في 2011 هدوها، ولولا فضل الله وكرمه لكانت زي البلاد اللي أنتوا شايفنها، اللي بيروح مبيرجعش».

وأكمل «اللي بيقول الحقوق، أنا مش عارف أعالج ولا أسكن، روح المرج والمطرية والخصوص، شوفوا لما بمشي في الشوارع بلاقي إيه، عشان أفتح شارع والناس تمشي بشيل ألف متر».

السيسي وملف التعليم

وأردف «لما دخلنا في التعليم عشان نصلحه الدكتور طارق شوقي اخد على دماغه لما مات، أنتو عايزين تعليم ولا لأ، اللي زي حالتنا عايز نمو 60% وليس 6% ، مفتكرش هيبقى فيه فرصة للعمل قد ما إحنا بنعمل بس أنتو مش حاسين بده، إحنا بنتأثر باللي حوالينا لو حصل غلاء إحنا كمان بتغلى علينا، والغلاء عندنا مضاعف بسبب معدل النمو السكاني»، متسائلا «هل الدولة مش عايزة تدي المدرس على سبيل المثال مرتب كويس، لا مش قادرة».

وأكد الرئيس السيسي أهمية ربط سوق العمل بالتعليم متسائلا «هل المواطنون يريدون هذا الأمر، أم يرغبون في إلحاقهم بالجامعات فقط، ما كل التقدير لبعض التخصصات، العدد اللي بيخرج ملهوش مكان».

واستطرد «التحديات التي نواجهها لا تزيدني إلا إصرار على القتال والعمل من أجلك يا مصر، أنا زيكم ومعاكم ولو مش قادر والله لأفتح الباب وأديكم التحية وأمشي، مستقبل الناس والأطفال اللي طالعة أمانة أمام ربنا، القضية كبيرة جدا، العالم تقدم جدا، المرتبات في مصر منخفضة، ولو عليا عايز أدي المواطن 30 ألف جنيه، لكن إزاي».

وحول إجراءات الصحة الإنجابية قال الرئيس السيسي «لما تبعت الكشف الطبي مش سليم، يبقى أنت مشارك في هذا الأمر من غشنا فليس منا، ولما تبقى البنت عندها 14 سنة وعايز يجوزها، أنتو بتعملوا إيه، كده حلال، عايز ترتاح من أكلها ده صعب أوي، والله ما أكلش أنا ولا أعمل في ولادي كده، الل بيفهم أكتر متعذب أكتر واللي مبيفهمش مرتاح».

وزير التعليم ينفي الإعلان عن منصات امتحان جديدة أو تحديث للتابلت

الرئيس السيسي يهنئ الشعب المصري بمناسبة ذكرى الإسراء والمعراج: منهجًا للحياة وجهادًا للنفس

https://www.youtube.com/watch?v=1x2VhX_XddQ