السيسي: الزيادة السكانية في منتهى الخطورة.. والأسعار بترتفع علشان الطلب بيزيد.. فيديو

أكد الرئيس عبدالفتاح السيسي، أن ارتفاع عدد السكان في منتهى الخطورة، مضيفا: «الناس بتسأل ليه الأسعار بتزيد ما هو لازم تزيد علشان الطلب بقى زايد».

وشدد السيسي خلال افتتاح مدينة الصناعات الغذائية «سايلو فودز» بمدنية السادات في محافظة المنوفية اليوم الثلاثاء، على أهمية تحديد وتنظيم النسل الذي ينعكس على صحة المصريين، لافتا إلى أن عدد السكان ارتفع منذ 2010 وحتى الآن 20 مليون نسمة: «يجب أن نسأل أنفسنا إحنا عايزين أطفال كتير.. أنا بتكلم على عملية تنظيم».

تعديات على الأراضي الزراعية

وأشار إلى أنه شاهد خلال زيارته إلى المنوفية تعديات على الأراضي الزراعية، مضيفا: «ده معناه أنه فيه تزايد سكاني وبيخلي الأسر تضطر تتعدى على الأراضي علشان تعيش».

الوجبات المدرسية

وأردف السيسي: «زمان كان الناس بتقول وبتطالب بتوقف الأغذية المدرسية علشان فيه تسمم سواء كان حقيقي أو ادعاءا»، متابعا أن الدولة تهدف من خلال ذلك المشروع توفير أغذية جيدة لطلاب المدارس.

ونوه بأن الدولة ستخصص 7.7 مليار جنيه للوجبات المدرسية: «أنا دايما أتوقف عند الفلوس.. وأسأل طب هندبرهم منين؟»، مضيفا أن الوجبة ستكون من ستة إلى سبعة جنيهات للطفل.

رغيف الخبز

وتابع أنه سيتم تدبير ميزانية الوجبات المدرسية عن طريق الخصم من الوزارات، لافتا إلى أنه حان الوقت أن رغيف الخبز الذي يباع بـ5 قروش يزيد ثمنه «لازم الموضوع يتوقف ويجب إعادة تنظيمه علشان يتم تدبير الوجبات المدرسية.. مينفعش الـ20 رغيف يكونوا بثمن سيجارة.. مش بقول زيادة كبيرة». وأكمل: «مينفعش أبيع الـ 20 رغيف بعملة مش معروفة.. إحنا بلد محترمة».

واستطرد: «الناس كانت بتقول مينفعش أقرب من رغيف الخبز، لا هقرب لأننا ناس جاديين وأمناء وشرفاء وإحنا مأمونين على حياة الناس ومصيرهم».

https://www.youtube.com/watch?v=QsCS8oxgw6c

https://www.youtube.com/watch?v=Z873zEPdpos

السيسي: 20 مليون نسمة زيادة في عدد سكان مصر منذ 2010.. فيديو

السيسي يوجه الصحة بتطعيم العاملين بالقطاعات التعليمية قبل بدء العام الدراسي المقبل

السيسي: حان وقت زيادة سعر الخبز.. «مينفعش الـ20 رغيف يكونوا بثمن سيجارة».. فيديو