السيسي: قادرون على مساعدة ليبيا والعراق والأردن.. و«اللي اتعمل في 7 سنين كان فضل كبير أوي».. فيديو

قال الرئيس عبد الفتاح السيسي، خلال لقائه مع عدد من قادة القوات المسلحة، إن هناك استقرارًا كبيرًا تحقق بجهدكم وبجهد أشقائكم فى الداخلية، وتم مواجهة الإرهاب بشكل حاسم، مردفا: «إن شاء الله سبحانه وتعالى يكمل فضله علينا ونستطيع نقول أن احنا نزعنا هذا الأمر مش بس فقط بالإجراءات الأمنية اللي بنعملها لكن أيضا ببناء الوعي والفكر والمعرفة والثقافة بينا كلنا».

وأضاف خلال لقائه مع كبار القادة لتقديم التهنئة للقوات المسلحة بمناسبة ذكرى انتصارات العاشر من رمضان، في حديثه عن ليبيا، «ليبيا نستطيع أن نساعدهم كأشقاء وكبعد استراتيجى، لكونهم  العمق الاستراتيجي على الاتجاه الغربى، وإحنا عندنا فرصة، والكلام ده قلته من سنة أو سنتين نظموا العمالة بشركات مصرية، والكلام ده مش ليكم انتم، يعنى العمالة المصرية اللي ممكن نوديها ليبيا، يمكن تنظيمها قوائم وبيانات وشركات توديها يبقى فيه شكل أفضل كتير من الشكل اللي بنعمله ده، إحنا كدولة جوار فيه فرصة، إحنا بالخبرات اللي عندنا فيه فرصة، إحنا بالانطباع اللي عندنا بقى فيه فرصة.

وأضاف السيسي: «الناس اللي جتلنا على مدار الأربع 5 أعوام الماضية قالوا إن الدولة المصرية باللي بتعمله ده شركاتها شركات قادرة اللي يعمل خمس أنفاق تحت قناة السويس لا يقدر اللي يعمل دلوقتي الأنفاق بتاعة مترو الأنفاق بشركات مصرية لا يقدر.. اللي يقدر يعمل محطات المعالجة ومحطات التحلية ومحطات الكهرباء وأي أشغال أخرى يقدر وممكن نعتمد عليه، عندنا كهربا زيادة ممكن نوديلهم لغاية ١٠٠٠، و٢٠٠٠ ميجا زي ما هما عايزين، والسودان نفس الكلام ١٠٠٠، و٢٠٠٠ عندنا زيادة نديهم الأردن والعراق ٢٠٠٠ زيادة، نديهم عندنا الحمدلله رب العالمين اللي اتعمل في ٧ سنين اللي فاتوا كان فضل كبير أوي لصاحب الفضل».

السيسي يؤدي صلاة الجمعة بمسجد المشير طنطاوي ويلتقي عددا من كبار قادة القوات المسلحة

السيسي: الشعب المصري يقدر جهود وتضحيات أبطال القوات المسلحة للدفاع عن الوطن

https://www.youtube.com/watch?v=J48E6reJWjA