السيسي: «كل الناس بمصر في رقبتنا.. وربنا هيحاسبنا عليهم».. فيديو

قال الرئيس عبد الفتاح السيسي، إنه تم تنفيذ 40 كوبري بمنطقة شرق القاهرة إضافة إلى ما ينفذ في غرب القاهرة.

وتابع «عارفين 40 كوبري يعني كام يعني لو متوسط سعر الكوبري 400 مليون هيكون الإجمالي 16 مليار جنيه، مش بنعمل كوبري بس بنعمل معاه محور».

وأضاف «نسير بمعدلات جيدة بفضل الله وكرمه وللأمانة رسالتي للعمالة حرصنا على توفير الـتأمين اللازم في كل مواقع العمل المختلفة وهنأمن أكتر بالتنسيق مع وزارة الصحة والشركات والدفاع».

وتابع «أي حد عايز يشتغل اطلع على العاصمة الإدارية والعلمين الجديدة و رشيد فيه شغل».

وأضاف «عايز أقولكم الحكومة بتشتغل ليل ونهار عشان تحقق معدلات النمو اللي كنا بنحلم بيها، بس أنتو لازم تبقوا معانا»، مردفا «ساعدونا بعدم البناء بدون تراخيص وارتكاب مخالفات الترخيص عقد يجب تنفيذه».

وتابع «الكلام اللي بيتقال حول أن الدولة هتروح العاصمة الإدارية وتسيب الناس في القاهرة أو تروح الاسكندرية الجديدة وتسيب الإسكندرية، كل الناس في مصر في رقبتنا وربنا هيحاسبنا عليها».

ووجه التحية لكافة العاملين في هيئة القناة السويس وشركة بتروجيت وكونكرد على مجهوداتهم في تنفيذ مشروع نفق الشهيد أحمد حمدي 2 .

وأكد حرص الدولة على تنفيذ خطة إعادة العالقين، قائلا: « عددهم يزيد عن 3500 ملتزمين بإعادتهم،  وهناك  مواطنون القون لا يتعدون أصابع اليد في دولة واحدة سنعيدهم أيضا»، مردفا «ساعدنونا لازم اللي يجي يكون في منطقة عزل الفترة المحددة».

واختتم «بطمن كل المصريين  حتى لو كانت ظروفنا صعبة مش هنسيبكم».

https://www.youtube.com/watch?v=jby0WZywe1Y