السيسي: «والله لأحاجي الكل يوم القيامة على اللي احنا بنعمله في بلدنا»

قال الرئيس عبد الفتاح السيسي، إن جوهر تقدم مصر هو الاستقرار النابع من الشعب المصري، مشيرًا إلى أن الدولة تبذل قصارى جهدها في إطار المتاح، وما قدمته مصر في السنوات الماضية من مشروعات تنمية، هو عبارة عن خطوة من ألف خطوة.

وأضاف الرئيس السيسي، خلال الندوة التثقيفية الـ32 للقوات المسلحة، أنه بدل الـ4 تريليون التي تم إنفاقها في مشروعات التنمية خلال السنوات الماضية، نرغب في أن يصبحوا 40 مليون، بتحقيق كافة المشروعات التي تنهض بمصر وتحقق طموحات شعبها.

وتابع الرئيس السيسي: «والله والله لاحاجي الكل يوم القيامة على اللي احنا بنعمله في بلدنا، والصعوبات اللي بتقابلنا هي إنهم عايزين يوقعوا الدولة، والله ما تحقق في الـ6 سنوات اللي فاتوا يساوي 20 سنة في كل شيء، ولسه كمان قدامنا 50 سنة شغل نقدر نعملهم في 6 سنوات ولكن بعون الله».

واختتم حديثه: «إن كنتوا عايزين تتصالحوا قولوا لي بس أنا ماقدرش اتصالح مع اللي عايز يهد بلادي ويأذي شعبي وأولادي، ولو كان اختلف معايا كنت هرحب بالتصالح، ولكن هقدر أصالحك إزاي وأنت شعب مصر هان عليك وبتقتل وتدمر ومستعد تشرد الناس وعايزهم يبقوا لاجئين، لو أنت قولت لاجل خاطر الناس في مصر بلاش كنت قولت ضميرك وإنسانيتك موجودة لكن أنت لا عندك دين ولا ضمير، وأنا قعدت مع الناس دي سنة ونص سألتهم هتعملوا إيه في مشكلة التعليم والصحة والإسكان والأزمة الاقتصادية الموجودة والله العظيم ما لقيت منهم إجابة.. دول مش عارفين تحديات الدولة وإزاي هيحلوا المسألة».