الطماطم بـ50 جنيه ليه؟.. مصطفى بكري: محتاجين نشوف التجار المتلاعبين في المحاكمات العسكرية

وجه الإعلامي مصطفى بكري أسئلة عدة لحكومة الدكتور مصطفى مدبولي، بشأن الملفات المحلية.

وقال خلال برنامج «حقائق وأسرار» المذاع على «قناة صدى البلد»: «اختلف زي ما أنت عايز مع الحكومات لكن لا تختلف على النظام.. الرئيس حينما اجتمع مع الحكومة قال لهم احنا عاوزين تنمية حقيقية.. يا ترى الحكومة عندها فقه أولويات.. الشعب بيتحمل وبيتحمل كتير أوي زي ما قال الرئيس.. صارحوا الناس بكل حاجة.. قول لي أنت غليت أسعار البنزين بعد أسبوع من الحرب ليه؟.. قولي إيه فلسفتك في غلق المحال عند الساعة 9؟»

وبشأن أسعار الطماطم، أضاف بكري: «لما يكون سعر الطماطم بـ50 جنيه الكيلو هل الحكومة المسئولة عن دا، لا دا جشع التجار.. محتاجين ناس تروح المحكمة العسكرية زي ما الرئيس السيسي قال.. أنا لحد دلوقتي مشفتش حد راح المحكمة العسكرية»

واختتم قائلا: «خلوا قلبنا دايما على البلد.. مصر مستهدفة في مكل اتجاه.. شوفوا اللي بيحصل على الحدود والخليج.. دايما بنقول كان الله في عون رئيس الدولة.. الرئيس محتاج ناس تتعاون معاه.. الشعب ثقته كبيرة في رئيس الدولة.. الشعب بيتمنى أن مستواه المعيشيي يكون معقول».